सचिन नव्हे तर या फलंदाजानं केली तुफान फटकेबाजी, इंडिया लीजंड्सची दणक्यात सुरुवात

कानपूर, 10 सप्टेंबर: आंतरराष्ट्रीय क्रिकेटमधून निवृत्ती घेतलेले दिग्गज खेळाडू पुन्हा एकदा मैदानात उतरले आहेत. निमित्त आहे ते रोड सेफ्टी वर्ल्ड सीरीज टी20 स्पर्धेचं. कानपूरमध्ये या स्पर्धेतला सलामीचा सामना खेळवण्यात आला. त्यात सचिन तेंडुलकरच्या नेतृत्वात खेळणाऱ्या इंडिया लीजंड्सनं स्पर्धेची दणक्यात सुरुवात केली. इंडिया लीजंड्स आणि दक्षिण आफ्रिका सलामीलाच आमनेसामने आले. सचिन तेंडुलकर भारताकडून सलामीला आला. पण सचिनऐवजी भारतीय डावात चमकला तो अष्टपैलू स्टुअर्ट बिन्नी. बिन्नीनं या सामन्यात नाबाद अर्धशतक झळकावलं.

स्टुअर्ट बिन्नीची फटकेबाजी

मास्टर ब्लास्टर सचिन तेंडुलकर आणि नमन ओझानं डावाची सुरुवात केली. पण सचिन 16 तर ओझा 21 धावा काढून बाद झाला. पण त्यानंतर सुरेश रैना आणि स्टुअर्ट बिन्नीनं भारतीय डावाला आकार दिला. या दोघांनी दक्षिण आफ्रिकन गोलंदाजी फोडून काढली. बिन्नीनं आपल्या 42 धावांच्या खेळीत तब्बल 5 चौकार आणि 6 षटकार ठोकत नाबाद 82 धावा फटकावल्या. तर सुरेश रैना 22 चेंडूत 33 धावा काढून बाद झाला. त्यानंतर आलेल्या युसूफ पठाणणही अवघ्या 15 चेंडूत नाबाद 35 धावा कुटल्या. त्यामुळे इंडिया लीजंड्सनं 4 बाद 217 धावांचा डोंगर उभारला.

🇮🇳India Legends started the tournament with a bang!💥

Stuart Binny’s 82* well supported & finished by Yusuf Pathan’s quick 35* off 15 deliveries put Indians in a strong position.
🇿🇦South African legends need to put some hard yards today!#RoadSafetyWorldSeries #RSWS #INDLvsSAL pic.twitter.com/awiTqerFMf

— Road Safety World Series (@RSWorldSeries) September 10, 2022

दक्षिण आफ्रिकन गोलंदाजांची धुलाई

दक्षिण आफ्रिकेचा गार्नेट क्रूगर सर्वात महागडा गोलंदाज ठरला. क्रूगरनं 4 ओव्हरमध्ये तब्बल 53 धावा मोजल्या. त्यापाठोपाठ दक्षिण आफ्रिकेचा दिग्गज गोलंदाज मखाया एनटीनीनंही 4 ओव्हरमध्ये 52 धावा दिल्या.

Published by:Siddhesh Kanase

First published: September 10, 2022, 22:33 IST