बिग बॉस मराठीच्या चौथ्या पर्वात सहभागी होणार किरण माने? अभिनेत्याच्या उत्तराची चाहत्यांना प्रतीक्षा

मुंबई : छोट्या पडद्यावरील मालिकांच्या बरोबरीनं आवडीनं बिग बॉस हा कार्यक्रम पाहिला जातो. केवळ हिंदीतच नाही तर मराठीमध्ये देखील बिग बॉस कार्यक्रम खूपच लोकप्रिय आहे. कार्यक्रमात सहभागी झालेल्या कलाकार स्पर्धकांचे वाद, एकमेकांच्या काढल्या जाणाऱ्या उखाळ्या पाखाळ्या, कार्यक्रमातल्या टास्कमध्ये एकमेकांशी होणारी हाणामारी या सगळ्यामुळे हा कार्यक्रम अनेकदा वादग्रस्त ठरतो. तरी देखील या कार्यक्रमाची लोकप्रियता मालिकांइतकीच किंबहुना त्यापेक्षा अधिक आहे.

श्रेयस तळपदेचा आलियाला सल्ला, ‘प्रेक्षक प्रेयसीप्रमाणे असतात’

मराठीमध्ये देखील बिग बॉस कार्यक्रम आवडीनं पाहिला जातो. त्यामुळेच या कार्यक्रमाच्या चौथ्या पर्वाकडे प्रेक्षकांचं लक्ष लागलं आहे. बिग बॉसच्या चौथ्या पर्वाच्या सूत्रसंचालनाची धुरा पुन्हा एकदा महेश मांजरेकर यांच्याकडेच सोपावण्यात आली आहे. आता या चौथ्या पर्वामध्ये स्पर्धक म्हणून कोण कलाकार सहभागी होणार याकडे सर्वाचं लक्ष लागलं आहे.

ई-टाइम्सच्या सुत्रांनी दिलेल्या माहितीनुसार बिग बॉस मराठीच्या निर्मात्यांनी स्पर्धक म्हणून अभिनेता किरण माने यांच्याशी संपर्क साधला आहे. मात्र कार्यक्रमातील सहभागाबाबत किरण अद्याप विचार करत आहेत.

सासूच्या पहिल्या स्मृतीदिनी ट्विंकल खन्नाने शेअर केली Post

स्टार प्रवाह वाहिनीवरून प्रसारित होणाऱ्या ‘मुलगी झाली हो’ कार्यक्रमाच्या संदर्भात निर्माण झालेल्या वादामुळे किरण चर्चेत आले होते. किरण यांनी त्यांच्या सोशल मीडियावर केलेल्या एका राजकीय विधानामुळे ‘मुलगी झाली हो’ कार्यक्रमाच्या निर्मात्यांनी तडकाफडकी कार्यक्रमातून काढून टाकले. त्याच्या विरोधात किरण यांनी आवज उठवला होता.

कार्यक्रमातील काही कलाकरांनी किरण यांच्याविरोधात मत व्यक्त केलं होतं. त्यामध्ये सविता मालपेकर, शर्वरी पिल्लई, दिव्या सुभाष यांचा समावेश होता. तर काहींनी किरण यांच्या बाजूनं आपली प्रतिक्रिया दिली. त्यानंतर हे प्रकरण खूपच तापलं होतं. किरण माने यांच्या कामाबद्दल सांगायचं तर अलिकडेच प्रदर्शित झालेल्या ‘टकाटक २’ सिनेमात त्यांनी काम केलं होतं. याशिवाय किरण यांच्याकडे अनेक प्रोजेक्ट आहेत.