मतिमंद मुलीवर लैंगिक अत्याचार करणाऱ्या नराधमाला १२ वर्षे सक्तमजुरी; एक लाखाचा दंड


सार्वजनिक शौचालयात एका मतिमंद मुलीवर लैंगिक अत्याचार केल्याबद्दल नरेश जनार्दन कोंडा (२१) याला जिल्हा व सत्र न्यायाधीश यू. एल. जोशी यांनी दोषी धरून १२ वर्षे सक्तमजुरी आणि एक लाख रूपये दंडाची शिक्षा सुनावली.

आरोपी नरेश कोंडा याच्या घराजवळ राहणारी आणि त्याच्या ओळखीची असलेली पीडित मतिमंद मुलगी २० जानेवारी २०२१ रोजी घराजवळील सार्वजनिक शौचालयात शौचासाठी गेली होती. ती मंतिमंद असल्याचे माहीत असून देखील आरोपी नरेश याने तिच्यावर लैंगिक अत्याचार केले. नंतर धमकीही दिली होती. त्याची वाच्यता होताच पीडित मुलीच्या आईने पोलिसांत धाव घेतली. त्यानुसार आरोपी नरेश कोंडा याच्याविरूध्द गुन्हा दाखल झाला होता.

या खटल्यात सरकारतर्फे जिल्हा सरकारी वकील प्रदीपसिंह राजपूत यांनी १३ साक्षीदार तपासले. यात फिर्यादी व पीडित मुलीसह तपास अधिकारी सहायक पोलीस आयुक्त डॉ. प्रीति टिपरे, वैद्यकीय अधिकारी यांची साक्ष महत्त्वाची ठरली. घटनास्थळाचा पंचनामा, मानसोपचार तज्ज्ञाने पीडित मुलगी मतिमंद असल्याचा दिलेला निर्वाळा, पीडित मुलीच्या डीएनए चाचणीचा अहवाल, पीडित मुलगी व आरोपीच्या कपड्यांवर आलेले डाग आदी मुद्द्यांवर ॲड. राजपूत यांनी केलेला युक्तिवाद न्यायालयाने मान्य केला. आरोपीतर्फे ॲड. दीपक सुरवसे व ॲड. दिलीप जगताप यांनी काम पाहिले.

The post मतिमंद मुलीवर लैंगिक अत्याचार करणाऱ्या नराधमाला १२ वर्षे सक्तमजुरी; एक लाखाचा दंड appeared first on Loksatta.

Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …