Video: कार्तिक आर्यन आणि सारा अली खान पुन्हा एकत्र, दोघांमधील केमेस्ट्री पाहून चाहते फिदा

मुंबई: मनोरंजन विश्वातील कलाकारांच्या अफेअरच्या बातम्यां वाऱ्याच्या वेगानं पसरतात. सध्या सोशल मीडियावर सारा अली खान (Sara Ali Khan) आणि कार्तिक आर्यन (Kartik Aaryan) यांचा व्हिडिओ खूपच व्हायरल झाला आहे. त्यांचा हा व्हिडिओ पाहून नेटकऱ्यांनी त्यावर भरभरून प्रतिक्रिया व्यक्त करायला सुरुवात केली आहे. अनेकांनी त्यांना पॅचअप करत पुन्हा रिलेशनशिपमध्ये येण्याचा सल्ला दिला आहे.

एकत्र दिसले सारा आणि कार्तिक

मुंबईमध्ये ओटीटी प्ले अवॉर्ड २०२२ कार्यक्रम हा सोहळा पार पडला. या सोहळ्यातील काही फोटो, व्हिडिओ सोशल मीडियावर व्हायरल झाले आहेत. त्यामध्ये एका व्हिडिओवर सर्वांच्या नजरा खिळल्या आणि तो सोशल मीडियावर खूपच व्हायरल झाला. त्या व्हिडिओमध्ये सैफ अली खानची मुलगी सारा अली खान आणि अभिनेता कार्तिक आर्यन दिसत आहेत.या व्हिडओमध्ये सारा आणि कार्तिक एकत्र बसलेले दिसत असून एकमेकांशी हसून खेळून बोलताना दिसत आहे. हा व्हिडिओ व्हायरल झाल्यानंतर दोघांचे चाहते खूपच आनंदित झाले आहेत. या क्षणाची ते अनेक दिवसांपासून वाट बघत होते.

हे वाचा-धनश्री-युझीमध्ये सारंकाही आलबेल! कपलचा रोमँटिक किस Video व्हायरल

कार्तिक साराला मिळाला पुरस्कार

ओटीटी प्ले अवॉर्ड २०२२ पुरस्कार सोहळ्यामध्ये कार्तिक आर्यनला सर्वोत्तम अभिनेत्याचा पुरस्कार मिळाला. तर सारा अली खानला ब्रेक थ्रू परफॉर्मन्स ऑफ द ईयर हा पुरस्कार मिळाला.

कार्तिक आर्यन आणि सारा अली खान यांच्या रिलेशनशिपची काही वर्षापूर्वी चर्चा होती. लव्ह आज कल २ या सिनेमाचं शूटिंग संपलं आणि कार्तिक सारा यांच्या अफेअरचा अंक सुरू झाला होता. काही दिवसांपूर्वी दिलेल्या एका मुलाखतीमध्ये सारा अली खानसोबत ब्रेकअप झाल्यानंतर कार्तिकने तो इतर कोणाशीही रिलेशनशिपमध्ये नसल्याचे स्पष्ट केले होते.

हे वाचा-प्रियांकाने का दिला शशांकशी लग्नाला होकार? मान्य केलेली प्रत्येक मुलीला आवडेल अशी अट

त्याचं रिलेशनशिप सुरू होण्याची कहाणीही मोठी रंजक होती. कॉफी विथ करण या शोमध्ये सारा म्हणाली होती की तिला कार्तिकला डेट करायला आवडेल, त्यानंतर काहीच दिवसात त्यांचं रिलेशनशिप सुरू झालं होतं. पण काहीच महिन्यांमध्ये त्यांचा ब्रेकअप झाल्याचे वृत्त समोर आल्याने चाहत्यांनाही वाईट वाटलं होतं.