ऋतुराज गायकवाड टीम इंडियासाठी ठरला संकटमोचक, न्यूझीलंडविरुद्ध ठोकलं झुंजार शतक

मुंबई, 15 सप्टेंबर: भारतीय संघात निवड झालेला पण तरीही फारशी संधी न मिळालेल्या मराठमोळ्या ऋतुराज गायकवाडनं संघव्यवस्थापनाला  पुन्हा एकदा आपल्या बॅटनं उत्तर दिलं आहे. ऋतुराजनं बंगळुरुत सुरु असलेल्या न्यूझीलंड अ संघाविरुद्धच्या अनधिकृत कसोटी सामन्याच्या पहिल्याच दिवशी शतक ठोकलं. त्यानं 108 धावांची दमदार खेळी साकारली. त्याच्या या खेळीमुळे भारत अ संघानं सर्वबाद 293 धावा केल्या.

ऋतुराजचं चौथं फर्स्ट क्लास शतक

25 वर्षांच्या ऋतुराजच्या प्रथम श्रेणी कारकीर्दीतलं हे चौथं शतक ठरलं. पहिल्या दिवशी भारत अ संघाचा कर्णधार प्रियांक पांचाळनं टॉस जिंकून फलंदाजीच निर्णय घेतला. पण भारतीय फलंदाज ठराविक अंतरानं बाद होत गेले. त्यामुळे भारतीय संघाची एकवेळ 4 बाद 111 अशी अवस्था झाली होती. तेव्हा ऋतुराजनं उपेंद्र यादवच्या साथीनं संघाचा डाव सावरला. ऋतुराजनं 127 चेंडूत 12 चौकार आणि 2 षटकारांसह आपली 108 धावांची खेळी सजवली. तर उपेंन्द्र यादवनं 76 धावा केल्या.

🔝🏏 SUPERSTAR! Ruturaj smashed 1️⃣4️⃣ boundaries to bring up an excellent century today!#RuturajGaikwad #INDvNZ #INDAvNZA #rario #nft #TeamIndia #BharatArmy pic.twitter.com/NfWIpCnuey

— The Bharat Army (@thebharatarmy) September 15, 2022

6 फलंदाज एकेरी धावसंख्येवर बाद

भारत अ संघाचे 6 फलंदाज दुहेरी धावसंख्या गाठण्यात अपयशी ठरले. ज्यात कर्णधार प्रियांक पांचाळ आणि रणजी सीझन गाजवलेल्या सर्फराज खानचाही समावेश आहे. न्यूझीलंडच्या आक्रमणासमोर दिवसाच्या शेवटी भारताचा डाव 293 धावात संपुष्टात आला. न्यूझीलंडकडून मॅथ्यू फिशरनं सर्वाधिक 4 विकेट्स घेतल्या.

Published by:Siddhesh Kanase

First published: September 15, 2022, 23:44 IST