द कश्मीर फाईल्सला मागे टाकणार ‘ब्रह्मास्त्र’? आठव्या दिवशी पुन्हा वाढली बॉक्स ऑफिसची कमाई

मुंबई: बॉक्स ऑफिसवर शुक्रवारी असं काही झालं की त्याची कल्पना देखील कुणी केली नव्हती. सोमवारी ब्रह्मास्त्र सिनेमाच्या कमाईमध्ये १५ ते २० टक्क्यांनी घट झाली होती. परंतु आठव्या दिवशी सिनेमाच्या बॉक्स ऑफिस कलेक्शनमध्ये १५ टक्के वाढ झाली आहे. रणबीर कपूर आणि आलिया भट्ट (Ranbir Kapoor and Alia Bhatt Brahmastra) यांच्या प्रमुख भूमिका असलेला हा सिनेमा प्रेक्षकांना आवडला आहे. त्यामुळेच ब्रह्मास्त्र भाग एक-शिवा हा सिनेमा दुसऱ्या आठवड्याच्या शनिवारी-रविवारी पुन्हा एकदा बॉक्स ऑफिसवर दणदणीत कमाई करेल अशी अपेक्षा आहे.

आठ दिवसांमध्ये अयान मुखर्जी यानं दिग्दर्शित केलेल्या सिनेमानं संपूर्ण देशामध्ये १८० कोटी ६४ रुपयांची केली कमाई केली आहे. तर हिंदी व्हर्जनमध्ये सिनेमानं एकूण १६४.५० कोटी रुपये कमाई केली आहे. या सिनेमाने वर्ल्डवाइड ३०० कोटींचा आकडा पार केला आहे.

हे वाचा-क्रिती-प्रभास रिलेशनशिपमध्ये? बी-टाऊनमध्ये ‘परमसुंदरी’ आणि ‘बाहुबली’चीच चर्चा!

ब्रह्मास्त्र सिनेमा संपूर्ण देशात पाच भाषांमध्ये प्रदर्शित झाला आहे. या सिनेमानं पहिल्या दिवशी ३६.४२ कोटी रुपये कमावले होते. जर हिंदी व्हर्जनमध्ये या सिनेमानं पहिल्या दिवशी ३२ कोटी रुपये कमावले आहेत. पहिल्या तीन दिवसांमध्येच या सिनेमानं बॉक्स ऑफिसवरील कमाईचा १०० कोटी रुपयांचा आकडा पार केला. तर सिनेमा प्रदर्शित झाल्यानंतर आठव्या दिवशी शुक्रवारी एका दिवसात संपूर्ण देशात १०.५३ कोटी रुपयांचा बिझनेस केला आहे. यात हिंदी व्हर्जनची कमाई सुमारे ९.७५ कोटी रुपये आहे. तर सोमवारी ते गुरुवार या आठवड्यांच्या दिलवसात कमाईमध्ये घट झाली. परंतु शुक्रवारी सिनेमाच्या कमाईमध्ये वाढ झाली आहे. त्यामुळे ब्रह्मास्त्र सिनेमा बॉक्स ऑफिसवर हिट होईल, अशी अपेक्षा व्यक्त होत आहे. केवळ इतकंच नाही तर हा सिनेमा अक्षय कुमारच्या सूर्यवंशी सिनेमाची कमाई देखील पार करेल असं सांगितलं जात आहे.

ब्रह्मास्त्रनं दुसऱ्या विकेंडला कमावले ४२-४५ कोटी

ब्रह्मास्त्र सिनेमाच्या निर्मितीसाठी ४१० कोटी रुपये खर्च झाले आहेत. शुक्रवारी या सिनेमाच्या तेलुगू व्हर्जनमधील कमाई वाढली.आंध्रप्रदेश आणि निजाम भागातील कमाईत वाढ नोंदवण्यात आली. आता हा सिनमा मल्टीप्लेक्स आणि थ्री डी व्हर्जनमधून सिनेमाची कमाई होत आहे. तर सिंगल स्क्रीन थिएटरमध्ये देखील हा सिनेमा चांगला चालत असल्यानं कमाईत वाढ झाली आहे.

विश्लेषकांच्या मतानुसार येत्या शनिवारी आणि रविवारी ब्रह्मास्त्र सिनेमाच्या कमाईमध्ये अधिक वाढ होईल. या दोन दिवसांमध्ये देशभरात हा सिनेमा ४२ ते ४५ कोटी रुपयांचा गल्ला आरामात जमवेल. थोडक्यात सिनेमा प्रदर्शित झाल्यानंतरच्या दहा दिवसांमध्ये २२२ कोटी रुपये तर हिंदी व्हर्जनमध्ये २०६ कोटी रुपयांच्या घरात जाईल. कोरोना संकटानंतर रिलीज झालेला सूर्यवंशी सिनेमानं बॉक्स ऑफिसवर १९५ कोटी रुपये कमावले होते.

हे वाचा-वडिलांचं निधन आणि उद्ध्वस्त झालं कुटुंब; १९८४ च्या दंगलीत अभिनेत्रीने गमावलं सर्वकाही!

भारतामध्ये ब्रह्मास्त्र सिनेमाचं कलेक्शन (पाचही भाषांमध्ये एकूण कमाई १८०.६४ कोटी रुपये)

पहिल्या दिवशी शुक्रवारचं कलेक्शन ३६.४२ कोटी रुपये
दुसऱ्या दिवशी, शनिवारचं कलेक्शन ४१.३६ कोटी रुपये
तिसऱ्या दिवशी, रविवारचं कलेक्शन ४४.८ कोटी रुपये
चौथ्या दिवशी, सोमवारचं कलेक्शन १५.५ कोटी रुपये
पाचव्या दिवशी, मंगळवारचं कलेक्शन १२.५० कोटी रुपये
सहाव्या दिवशी, बुधवारचं कलेक्शन १०.५३ कोटी रुपये
सातव्या दिवशी, गुरुवारचं कलेक्शन ९ कोटी रुपये
आठव्या दिवशी, शुक्रवारचं कलेक्शन १०.५३ कोटी रुपये

द काश्मीर फाइल्स च्या कमाईचं तुटणार रेकॉर्ड

दरम्यान, ब्रह्मास्त्र सिनेमा सुपरहिट म्हणणं सध्या तरी रास्त ठरणार नाही. ४१० कोटी रुपयांमध्ये तयार झालेल्या सिनेमा हिट होण्यासाठी ५०० कोटी रुपयांच्या आसपास कमाई होणं गरजेचं आहे. परंतु सध्या ज्या वेगानं हा सिनेमा कमाई करत आहे ते पाहता सध्या तरी हे शक्य नाही असं वाटतं. २०२२ मध्ये सर्वाधिक कमाई करणाऱ्या हिंदी सिनेमांबाबत सांगायचं तर भूल भुलैया २ या सिनेमानं १८५ कोटी रुपये कमावले होते. आता हे बघणं उत्सुकतेचं आहे की हा सिनेमा द
काश्मीर फाइल्स मागे टाकतो का?

हे वाचा-कोल्हापूरकरांचा नादच खुळा! गृहिणी घरी नेणार KBC14 चा पहिला कोट्यवधींचा चेक

ब्रह्मास्त्र सिनेमाच्या हिंदी व्हर्जनची आतापर्यंतची कमाई (एकूण कमाई १६४.५० कोटी रुपये)

पहिल्या दिवशी, शुक्रवारचं कलेक्शन ३२ कोटी रुपये
दुसऱ्या दिवशी, शनिवारचं कलेक्शन ३८ कोटी रुपये
तिसऱ्या दिवशी, रविवारचं कलेक्शन ४१ कोटी रुपये
चौथ्या दिवशी, सोमवारचं कलेक्शन १४ कोटी रुपये
पाचव्या दिवशी, मंगळवारचं कलेक्शन ११.२५ कोटी रुपये
सहाव्या दिवशी, बुधवारचं कलेक्शन ९.५० कोटी रुपये
सातव्या दिवशी, गुरुवारचं कलेक्शन ८.५० कोटी रुपये
आठव्या दिवशी, शुक्रवारचं कलेक्शन ९.७५ कोटी रुपये