स्विमिंग कोच फ्लर्ट करतो व मला ते खूप आवडतं, पण एक समस्या आहे

प्रश्न : मी एक विवाहित महिला आहे. माझ्या लग्नाला खूप वर्षे झाली आहेत. मला स्विमिंगची आवड आहे. म्हणून मी खूप काळापासून स्विमिंग क्लास लावले आहेत. तर तिथे जो स्विमिंग कोच आहे तो माझ्याशी अनेकदा फ्लर्ट करतो. माझ्या जवळ येऊ पाहतो. मी खोटं सांगणार नाही पण मलाही तो आवडू लागला आहे. त्याचं जवळ येणं, त्याच्याशी बोलणं या गोष्टी मला सुद्धा खूप आवडू लागल्या आहेत.

पण शेवटी मी विवाहित असल्याने माझं मन या गोष्टीसाठी तयार होत नाहीये. मी मोठ्या द्विधा मनस्थितीमध्ये अडकली आहे. नेमकं काय करावं ते मला कळत नाहीये. माझं मन यामुळे चंचल झालंय. कृपया मला मार्गदर्शन करा. मी त्याच्या गोष्टींना दुजोरा द्यावा की त्याला दूर करावं? (गोपनीयतेच्या कारणामुळेआम्ही व्यक्तीची ओळख उघड करत नाही.)

जाणकारांचे उत्तर

ओंटोलॉजिस्ट आणि रिलेशनशिप एक्सपर्ट आशमीन मुंजाल या प्रश्नाचे उत्तर देताना म्हणतात की, “सर्वात आधी मी तुम्हाला विचारू इच्छिते की तुम्हाला नेमकं काय हवं आहे? तुम्हाला तुमचा संसार मोडायचा हे का? तुम्ही तुमच्या संसारात खुश नाही आहात का? तुम्हाला नवीन नात्यामध्ये जास्त इंटरेस्ट आहे का? सर्वात आधी तुम्ही या प्रश्नांची उत्तरे स्वत:च स्वत:ला विचारली पाहिजेत आणि त्याची उत्तरे मिळवली पाहिजेत. त्याची उत्तरे तुम्हाला मिळाली की तुम्हाला काय करावं हे स्वत:च कळेल.”

(वाचा :- या 4 पुरूषांची पत्नी कधीच होत नाही नाराज किंवा चिडचिडी, सपोर्टिव्ह म्हणत करते बाराही महिने प्रेमाचा वर्षाव..!)

आनंदाचा विचार करा

त्या पुढे म्हणाल्या की “तुम्ही तुमच्या आनंदाचा विचार केला पाहिजे. कोणता पर्याय निवडल्यावर तुम्हाला जास्त सुख आणि समाधान मिळणार आहे आणि कोणता पर्याय निवडल्यावर तुम्हाला दु:ख आणि पीडा मिळणार आहे त्याचा विचार करा. यातून तुम्हाला नाकी काय करायला हवं याचं उत्तर मिळेल. तुम्ही पतीला निवडल किंवा तुमच्या स्विमिंग कोचला निवडाल, पण दोघांपैकी तुम्ही सर्वाधिक सुखी कोणासोबत राहू शकता ते महत्त्वाचं आहे. शिवाय या निर्णयाचा परिणाम सुद्धा तुम्हाला माहित असायला हवा.”

(वाचा :- महिलांच्या या 4 गोष्टी पुरुष करतात सरळ सरळ इग्नोर, ज्यामुळे तुटतात 99% नाती, तुम्हीही बायकोसोबत असंच वागता…?)

विचारपूर्वक घ्या निर्णय

आशमीन पुढे असा सल्ला देतात की, “तुम्ही विवाहित आहात आणि तुमच्या पतीला व संसाराला प्राधान्य देणे हे तुमचे पहिले कर्तव्य आहे. तुम्ही एवढी वर्ष संसार केलात पण तुम्ही कुठेच त्यात काही समस्या आहे असे सांगितले नाही. समस्या नसूनही तुम्ही जर दुसऱ्या पुरुषाचा विचार करत असाल तर तुम्ही कुठेतरी चुकताय. तुम्ही दुसऱ्या कोणत्या तरी पुरुषाकडे स्वत:हून आकर्षित होत असाल आणि त्यासाठी तुम्ही संसार उध्वस्त करणार असाल तर यात सर्वस्वी तुमचाच दोष असेल. त्यामुळे विचार करून निर्णय घेणे महत्त्वाचे आहे.”

(वाचा :- या 5 गोष्टी असणारे पुरुष जगातील सर्वात आकर्षक-प्रसिद्ध व्यक्ती, मुलीना इंप्रेस करण्यात कोणी पकडत नाही यांचा हात)

पतीसोबत घट्ट नाते बनवा

त्या पुढे असेही सांगतात की, “तुमचा स्विमिंग कोच किती सुंदर आहे, तो किती चांगलं बोलतो, तो तुमची किती स्तुती करतो, या गोष्टींना प्राधान्य देणे तुमची मोठी चूक ठरू शकते. कारण अशा अचानक आयुष्यात आलेल्या पुरुषाचा हेतू नक्की काय असेल हे तुम्हाला सुद्धा आता ओळखणे कठीण आहे. त्यापेक्षा ज्या व्यक्तीशी तुम्ही इतकी वर्ष संसार करताय तो नक्कीच विश्वसनीय आहे आणि तुमची साथ कधी सोडणार नाही. अन्य स्त्रियांप्रमाणे तुमच्यावर कोणी ‘विश्वासघातकी’ असा शिक्का लावू नये असे वाटत असेल तर पतीला प्राधान्य देऊन तुमचे नाते अधिक घट्ट करा.”

(वाचा :- माझी कहाणी : माझी पत्नी एक अत्यंत वाईट बाई आहे, मला तिची प्रचंड भिती वाटते, तरीही मी काहीच करू शकत नाही कारण..!)

स्विमिंग कोचशी बोला

शेवटी त्यांनी दुसरी बाजू उलगडताना सल्ला दिला की, “जर तुम्हाला तुमच्या संसाराचा कंटाळा आलाच असेल आणि नवीन नाते सुरु करायचे असेल तर सर्वात अधिक त्या स्विमिंग कोचशी मनमोकळेपणाने बोला. तो हे नाते टाईमपास म्हणून चालवतो आहे की तो नात्याबाबत सिरीयस आहे हे जाणून घ्या. तो तुमची किती साथ देऊ शकतो ते जाणून घ्या. जर तुम्हाला त्याच्या बद्दल खात्री वाटली आणि तो तुमची जबाबदारी उचलायला तयार असेल तर तुम्ही दुसरा निर्णय घेऊ शकता.”

(वाचा :- जर दिसत असतील ‘हे’ 5 संकेत, तर नोकरी सोडण्यास एक मिनिटही करू नका विचार, नाहीतर करावा लागेल बेक्कार पश्चाताप…!)