सुनील शेट्टी आणि अक्षय कुमारच्या बोलण्यातून मिळाली ‘फिर हेरा फेरी 3’ची हिंट

मुंबई, 10 सप्टेंबर: अक्षय कुमारने शुक्रवारी त्याचा 55 वा वाढदिवस साजरा केला. 9 सप्टेंबरला सुनील शेट्टीने अक्षय कुमारला वाढदिवसाच्या शुभेच्छा देणारा व्हिडिओ शेअर केला होता. या व्हिडिओमध्ये अक्षय आणि सुनीलच्या सुरुवातीच्या दिवसांपासून आतापर्यंतचे काही फोटो आहेत. हे शेअर करत सुनीलने लिहिले, ‘हे राजू, हॅपी बर्थडे रे बाबा…’. या व्हिडीओनं सगळ्यांचं लक्ष वेधलं आहे. याशिवाय अक्षय आणि सुनीलच्या ‘फिर हेरा फेरी’ या चित्रपटाच्या पुढच्या सीक्वलचीही हिंट चाहत्यांना मिळाली आहे.

अक्षय कुमारच्या वाढदिवसानिमित्त सुनील शेट्टीने शेअर केलेला व्हिडीओ सोशल मीडियावर मोठ्या प्रमाणात व्हायरल होत आहे. या व्हिडीओवर कमेंट करत अक्षयनं म्हटलं की, ‘श्याम भाई, अभिनंदनासाठी धन्यवाद. फिर थोडी हेरा फेरी करुयात?’. अक्षयचा हा रिप्लाय पाहून ही ‘फिर हेरा फेरी 3’ साठीची हिंट असल्याचं चाहते समजत आहेत. त्यामुळे चाहतेही हेरा फेरीच्या पुढच्या सीक्वलसाठी उत्सूक आहेत.

Hey Rajuuuuu!! Happy Birthday re baba!! @akshaykumar Have a great one ❤️ pic.twitter.com/pKkQy2gRdR

— Suniel Shetty (@SunielVShetty) September 9, 2022

‘फिर हेरा फेरी’ या चित्रपटाची एक वेगळीच क्रेझ असलेली पहायला मिळते. 2000 साली आलेल्या अक्षय कुमार, सुनील शेट्टी आणि परेश रावल स्टारर कॉमेडी चित्रपट ‘हेरा फेरी’ ने एक अनोखा विक्रम बनवला होता. या चित्रपटाचा प्रतिसाद पाहून निर्मात्यांनी या चित्रपटाचा सिक्वलही घोषित केला. 2006 मध्ये या चित्रटाचा सिक्वल आला. या चित्रपटांच्या क्रेझनं या सिक्वलवरही चाहत्यांनी अमाप प्रेम दिलं. भरभरून कौतुकांचा वर्षाव केला. गेल्या अनेक वर्षांपासून लोक ‘फिर हेरा फेरी 3’ ची (Phir hera pheri 3) वाट बघत आहे. अखेर प्रेक्षकांची ही इच्छा लवकरच पूर्ण होणार आहे.

हेही वाचा –  VIDEO: बॉलिवूड पदार्पणापूर्वीच Shehnaaz Gill वर नाराज झाले चाहते, काय आहे कारण?

अक्षय कुमार, सुनील शेट्टी आणि परेश रावल स्टारर कॉमेडी चित्रपट (Comedy movie) ‘हेरा फेरी’ च्या दोन्ही भागांना प्रेक्षकांनी भरभरुन प्रेम दिलं. अशातच ‘फिर हेरा फेरी 3’ लवकरच प्रेक्षकांच्या भेटीला येणार असल्याचं समजताच चाहत्यांची उत्सुकता वाढली आहे. दोन्ही चित्रपटांनी बॉक्स ऑफिसवर दमदार कमाई केली. त्यामुळे आता तिसऱ्या भागाला प्रेक्षक किती प्रेम देणार हे पाहणं महत्त्वाचं ठरणार आहे.

Published by:Sayali Zarad

First published: September 10, 2022, 16:51 IST