लैंगिक शोषण टाळण्यासाठी तुमच्या मुलांना शिकवा ‘या’ गोष्टी, सुधा मूर्तींनी दिल्या खास टिप्स

मुलं काय खेळ खेळतात याकडे लक्ष द्या

जेव्हाही तुमचं मुलं खेळायला बाहेर जाईल. किंवा तो मित्रांसोबत काही गेम खेळत असेल तेव्हा विशेष लक्ष द्या. मुलं कोणत्या पद्धतीचा खेळ खेळत आहे याकडे विशेष लक्ष द्या. कारण अनेकदा या खेळातूनच मुलांच लैंगिक शोषण केलं जातं. आणि ही घटना काही नवी नाही. आपल्यापैकी अनेकांना याची माहिती असेल त्यामुळे तुम्ही मुलांच्या खेळाकडे देखील विशेष लक्ष द्या.
(वाचा – गणपतीला कधी राग येतो का? बाप्पाला हत्तीचं डोकं का? यासारख्या प्रश्नांची मॉर्डन उत्तर मुलांना नक्की सांगा)

​बाळाला कुणाच्या मांडीवर बसू देऊ नका

तुमच्या मुलीला किंवा मुलालाही कुणाच्याही मांडीवर बसू देऊ नका. म्हणजे अगदी मांडीवर डोकं ठेवून झोपू देखील देऊ नका. अगदी काहीही परिस्थिती असेल किंवा अगदी ती व्यक्ती कितीही ओळखीची असू दे. पण हे नियम काटेकोरपणे मुलांनी पाळणे आवश्यक आहे.

(वाचा – रविंद्र जडेजाने कुठून शोधून आणलं मुलीचं इतकं सुंदर नाव? प्रत्येकजण या नावाच्या प्रेमात)

​मुलांचे कपडे कुणासमोर बदलू नका

काही नियम पालक म्हणून तुम्ही सुरूवातीपासूनच पाळणे गरजेचे असते. अगदी मुलं 2 वर्षांचं झालं की त्याचे कपडे कुणासमोरही बदलू नका. म्हणजे तो मुलगा असो किंवा मुलगी. मुलांना कोणत्याही नातेवाईकासमोर आंघोळ घालणे टाळा. तसेच त्याचे कपडे बदलणे देखील कटाक्षाने टाळा. मुलं फार निरासग असतात. पण काही सवयी त्यांना आताच लावणे गरजेचे असते.

(वाचा – Lord Ganesh Names : बाप्पाच्या नावावरून ठेवा तुमच्या मुलाचं नाव, गणरायाच्या अगदी जवळची 10 नावे)

सुधा मूर्तींनी सांगितल्या खास टिप्स

​मुलं कुणाकडे जाणं टाळत असेल तर जबरदस्ती करू नका

अनेकदा मुलं स्पष्ट किंवा मोकळेपणाने पालकांशी बोलत नाहीत. पण मुलांच्या कृतीवरून त्यांच्या मनातील भावना ओळखा. अनेकदा मुलं काही ठराविक लोकांकडे जाणं टाळतात. किंवा काही लोकं घरी आलेली त्यांना आवडत नाही, अशावेळी मुलांच्या मनातील भावना ओळखा. त्यांना लैंगिक शोषणाचा एखादा अनुभव आला असेल तर त्यामुळे मुलांना कुणाकडे जाण्यासाठी जबरदस्ती करू नका.

अगदी तसंच मुलं अनेकदा एखाद्या व्यक्तीच्या खूप प्रेमात पडतात. म्हणजे तीच व्यक्ती जगातील सर्वात बेस्ट व्यक्ती असल्याचं या मुलांना जाणवतं, अशावेळी काय कराल? तर मुलांना त्या व्यक्तीपासून थोडं दूर ठेवा.

(वाचा – पालक आणि मुलांमधील ‘या’ एका गोष्टीच्या अभावामुळे तुटू शकतं नातं, जाणून घ्या विभक्त न होण्याची हमी कशी मिळेल)

​मुलाच्या स्वभावातील बदल ओळखा

अनेकदा मुलं उत्साही किंवा आनंदी स्वभावाचं असतं. पण अशी एखादी घटना घडते आणि ते मुलं एकदम शांत होतं. तुम्हाला तेव्हा प्रश्न पडायला हवेत की, मुलं असं का झालं? कारण मुलांमधील हा बदल पालकांनी ओळखायला हवा. तसेच मुलाशी संवाद साधून नेमकं मनात काय सुरू आहे. किंवा अशी कोणती गोष्ट आपल्या बाळाच्या मनाला त्रास देत आहेत.

(वाचा – गरोदरपणात ‘या’ महिन्यात उलटी किंवा मळमळ होणे घातक, कारण जाणून घ्या आणि सुरू करा उपचार)

​मुलं टिव्हीवर काय पाहतात

आता मुलं ऑनलाईन आणि टिव्हीवर अनेक गोष्टी पाहत असतात. जशा काही गोष्टी चांगल्या असतात तशाच वाईट गोष्टीही आहेत. मुलांनी नेमकं काय पाहिलं पाहिजे यावर पालकांनी लक्ष ठेवायला हवं.

(वाचा – टीव्ही अभिनेत्री देबिनी बॅनर्जीने प्रसूतीच्या 4 महिन्यानंतर दिली Good News, दोन मुलांमध्ये किती अंतर अपेक्षित)

​मुलांना 3 वर्षांनंतर शिकवा ही गोष्ट

मुलांना 3 वर्षांनंतर आपले प्रायव्हेट पार्ट स्वच्छ करायला सांगा. तसेच खासगी जागेला कुणालाही हात लावू देऊ नका. या गोष्टी मुलांना अगदी घरीच शिकवायच्या. लहानवयातच मुलांना या गोष्टींची जाणीव करून दिली तर भविष्यात मुलांना लैंगिक शोषणाचा अनुभव घेताना विरोध करू शकतात.

(वाचा – स्तनपान करण्याची योग्य पद्धत, ज्यामुळे बाळ होईल सुदृढ आणि मातांनाही त्रास जाणवणार नाही))