MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
या व्हायरल झालेल्या व्हिडिओमध्ये रणबीर त्याला बीफ आवडत असल्याचे म्हणतो. त्याच्या याच व्हिडिओमुळे अभिनेत्याला आणि त्याची पत्नी अभिनेत्री आलियाला उज्जैनच्या महाकालेश्वर मंदिरातही प्रवेश नाकारण्यात आल्याचे समोर आले होते. दरम्यान रणबीरच्या ‘बीफ प्रेमाची’ सोशल मीडियवर विशेष चर्चा झाली. मात्र यानंतर आणखी एका दिग्दर्शकाचा बीफ संबंधित (Vivek Agnihotri Beef Video) व्हिडिओ व्हायरल होत आहे, जे प्रेक्षकांसाठी धक्कादायक आहे. हा व्हिडिओ आहे ‘द कश्मीर फाइल्स’चे दिग्दर्शक विवेक अग्निहोत्री यांचा.
हे वाचा-विवेक अग्निहोत्रींसोबत रंगायच्या सुशांतच्या गप्पा! दिग्दर्शकाने शेअर केला अभिनेत्याचा हसरा सेल्फी
सोशल मीडियावर व्हायरल होणाऱ्या या व्हिडिओमध्ये विवेक हे सांगताना दिसत आहेत की ते बीफ खातात आणि त्यांना हेही ठावुक आहे की चांगले बीफ कुठे मिळते. सोशल मीडियावर एका युजरने हा व्हिडिओ शेअर करत असे म्हटले आहे की, ‘ते तुम्हाला हा व्हिडिओ दाखवणार नाहीत, हे सांगणार नाहीत की विवेक अग्निहोत्रीदेखील बीफ खातात. पण ही त्यांची वैयक्तिक आवड आहे. पण ही बाब त्यांच्या नरेटिव्ह आणि अजेंडाला साजेशी नाही. तुम्ही अशा लोकांपासून दूर राहा आणि तिकिट खरेदी करून सिनेमागृहांमध्ये जाऊन ‘ब्रह्मास्त्र’ एंजॉय करा’.
विवेक यांनी ट्विटरवर शेअर केलेल्या विविध पोस्टमध्येही अनेक युजर्सनी हा व्हिडिओ कमेंटमध्ये शेअर केला आहे. त्यामुळे रणबीरनंतर आता विवेक यांनाही ट्रोलिंगची शिकार व्हावे लागले. या व्हिडिओमध्ये विवेक असं म्हणतायंत की, ‘मी हेदेखील लिहिले आहे की सर्वात चांगले बीफ तुम्हाला कुठे मिळेल. मी खूप साऱ्या गोष्टींबद्दल लिहिले आहे. मी आधीही खायचो आणि आताही खातो. माझ्या आयुष्यात काही बदलले नाही.’
हे वाचा-अंगात ताप होता, बसताही येत नव्हतं तरी… ‘आई कुठे काय करते’ फेम आप्पांचं होतंय कौतुक
रणबीर-आलियाच्या चाहत्यांनी हा व्हिडिओ शोधून काढत विवेक यांना ट्रोल केले आहे. कारण ब्रह्मास्त्रवर टीका करण्याची संधी विवेक यांनीही सोडली नव्हती. हा व्हिडिओ व्हायरल झाल्यानंतर रणबीर आणि विवेक यांचे चाहतेही एकमेकांशी भिडल्याचं दिसत आहे.
Source link
