रजनीकांत समोर दिसताच त्यांच्या पाया पडली ऐश्वर्या राय, PS-1 ट्रेलर लॉन्चचा Video Viral

मुंबई : मणिरत्न यांचा बहुचर्चित अशा पोन्नियन सेल्वन पार्ट १ सिनेमाचा ट्रेलर लाँच कार्यक्रम झाला. अतिशय शानदार अशा कार्यक्रमाला सिनेमाची संपूर्ण टीम हजर होती. तर या कार्यक्रमात कमल हासन प्रमुख पाहुणे म्हणून आले होते. परंतु कार्यक्रमाला खऱ्या अर्थातानं रौनक आली ती रजनीकांत यांच्या येण्यानंतर. या कार्यक्रमाच्या ठिकाणी रजनीकांत यांनी प्रवेश केला तेव्हा तिथं उपस्थित असलेल्या सर्वांनी एकच जल्लोष केला.

यतीन कार्येकर यांनी ‘शिवप्रताप गरुडझेप’ मध्ये साकारली भूमिका

या सिनेमाची नायिका ऐश्वर्या राय बच्चन रजनीकांत यांना सामोरी गेली आणि त्यानंतर तिनं जे काही केलं ते पाहून उपस्थितांनी टाळ्यांचा कडकडाट केला. या क्षणाचा व्हिडिओ सोशल मीडियावर खूपच व्हायरल झाला आहे. तो पाहून ऐश्वर्यावर भरभरून कौतुकाचा वर्षाव होत आहे.

काय आहे व्हिडिओत

पोन्नियन सेल्वन पार्ट १ सिनेमाचा ट्रेलर लाँचचा शानदार कार्यक्रम चेन्नईत आयोजित केला होता. या कार्यक्रमाला ऐश्वर्यानं काळ्या रंगाचा सलवार कुर्ता आणि त्यावर ओढणी घेतली होती. जेव्हा कार्यक्रमाचे मुख्य पाहुणे रजनीकांत यांनी प्रवेश केला तेव्हा ऐश्वर्या शेवटच्या रांगेत होती. त्यांना येताना पाहताच ती धावत पुढं आली आणि त्यांना नमस्कार करून त्यांचे आशीर्वाद घेतले. रजनीकांत यांनीदेखील हसून तिला आशीर्वाद दिला आणि प्रेमानं तिची गळाभेट देखील घेतली. त्यानंतर दोघांनी एकमेकांना नमस्कार करून अभिवादन केलं.

ऐश्वर्यानं केलेल्या या कृतीमुळे तिथं उपस्थित असलेल्या सर्वांना टाळ्यांच्या कडकडाटात अभिनेत्रीचं कौतुक केलं. रजनीकांत आणि ऐश्वर्यानं रोबोट सिनेमात एकत्र काम केलं होतं. सिनेमाच्या ट्रेलर लाँच कार्यक्रमाचे अनेक व्हिडिओ सोशल मीडियावर व्हायरल झाले आहेत. या व्हिडिओमध्ये कार्यक्रमस्थळी आगमन झाल्यानंतर रजनीकांत यांनी दिग्दर्शक मणिरत्न यांची गळाभेट घेतली. त्यानंतर ऐश्वर्या त्यांना भेटली. मणिरत्नम यांनी ऐश्वर्या राय हिला १९९७ मध्ये इरुवर सिनेमातून लाँच केलं होतं. त्यानंतर या जोडीनं रावण, गुरु हे सिनेमे केले.

महाकाल मंदिरात नतमस्तक झाला ‘ब्रह्मास्त्र’चा दिग्दर्शक; आलिया-रणबीरला नो एंट्री!

ऐश्वर्यानं या कार्यक्रमात मणिरत्न हे तिचे गुरू असल्याचं सांगितलं. तिनं पुढं सांगितलं की, ‘मी यांच्याकडून काम करण्याची आस, कामावरची निष्ठा आणि लक्ष केंद्रीत करून कसं करायचं हे शिकले.’ माजी मिस वर्ल्ड असलेल्या ऐश्वर्यानं स्टेजवरून रजनीकांत, कमल हासन यांचे मनापासून आभार मानले. ती म्हणाली, ‘रजनी आणि कमल सर.. तुम्ही दोघांनी इथं येणं हे आमच्यासाठी स्वप्नवत आहे. आम्ही सर्वजण तुमचे विद्यार्थी आणि चाहते आहोत आणि कायमस्वरुपी तसंच राहणार.’

पोन्नियन सेल्वन पार्ट १ सिनेमाचा ट्रेलर अत्यंत शानदार कार्यक्रमात प्रदर्शित करण्यात आला. या सिनेमात ऐश्वर्या राय बच्चन दुहेरी भूमिकेत दिसणार आहे. या सिनेमात ती राणी नंदिनी ही भूमिका साकारत आहे. ही पझुवूरची राजकुमारी आहे. तसंच ती मंदाकिनी देवीची भूमिकाही साकारणार आहे. या सिनेमात आदित्य करिकालनच्या भूमिकेत चियान विक्रम आहे. याशिवाय सिनेमात वन्थियाथेवनची भूमिका कार्थी, कुंडवईची भूमिका त्रिशा, अरुणमोझी वर्मनच्या भूमिकेत रवी आणि शोभिता धूलिपाला हिनं वनथीची भूमिका साकारली आहे.

पोन्नियन सेल्वन पार्ट १ चोल साम्राज्याची कथा दाखवली आहे. लेखक कल्कि कृष्णमूर्ती या नावाच्या तमिळ कादंबरीवर सिनेमा आधारीत आहे. ही कादंबरी १०५० च्या सुमारा प्रकाशित झाली होती. पोन्नियन सेल्वन पार्ट १ हा सिनेमा ३० सप्टेंबर रोजी तमिळ, हिंदी, तेलुगु, मल्याळम आणि कन्नड भाषेत प्रदर्शित होणार आहे.