जामीन मिळाला तरी केआरके गजाआडच, वाचा कुठे अडलं गाडं अन् एक वादग्रस्त ट्वीट भोवलं

मुंबई- सिनेमात काम मिळवून देतो असं सांगून महिलेचा विनयभंग केल्याच्या आरोपाखाली कोठडीत असलेल्या कमाल रशिद खान म्हणजेच केआरकेला कोर्टाने जामीन दिला. मात्र जामिन मिळूनही केआरकेला तुरुंगाचीच हवा खावी लागणार आहे. अक्षय कुमारच्या लक्ष्मी बाँब सिनेमाबाबत केआरके याने केलेलं वादग्रस्त ट्वीट त्याच्या अंगाशी आलं असून, जोपर्यंत त्या ट्वीट प्रकरणाचा निकाल लागत नाही तोपर्यंत केआरके गजाआडच राहणार आहे. अक्षय कुमार आणि निर्माता राम गोपाल वर्मा यांच्याविरोधातील वादग्रस्त ट्वीट केस बोरीवलीच्या न्यायालयात प्रलंबित आहे.

वर्षा उसगावकर अडकल्यात वादात, सासऱ्यांनी केलं होतं प्रॉपर्टीतून बेदखल

आपल्या वादग्रस्त विधानांनी नेहमीच अडचणीत वाढ करून घेण्यात केआरके पटाईत आहे. सतत काही ना काही वाद निर्माण करणारे ट्वीट तो करत असतो. लक्ष्मी बाँब सिनेमावरून त्याने केलेल्या वादग्रस्त ट्वीटविरोधात अक्षय कुमार आणि रामगोपाल वर्मा यांनी तक्रार केल्यानंतर केआरकेला पोलिसांनी ताब्यात घेतले होते. त्याला न्यायालयीन कोठडी सुनावली होती.

दरम्यान वर्सोवा पोलीस ठाण्यात केआरकेवर महिलेचा विनयभंग केल्याचा आरोप करण्यात आला आहे. या प्रकरणी त्याला न्यायालयात आणलं असता त्याच्या वकीलांनी जामीन मिळण्याचा अर्ज केला होता. केआरकेला त्याच्या मित्राने अडकवलं असल्याचा युक्तीवाद वकीलांनी केला. त्यानुसार केआरकेला विनयभंग प्रकरणातून जरी जामीन मिळाला तरी तुरुंगातून बाहेर येता येणार नाही, याला कारण ठरले आहे ते लक्ष्मी बाँब या सिनेमाविरोधात केलेलं ट्वीट. २०२० मध्ये अक्षय कुमारच्या लक्ष्मी बाँब सिनेमावरून केआरकेने हे ट्वीट केलं होतं. तोपर्यंत अभिनेत्रीने केआरकेवर विनयभंगाचा आरोप केला आहे.

‘ब्रह्मास्त्र’चं बंपर अॅडव्हान्स बुकिंग, ‘भूल भुलैया २’ला मागे टाकत इतकी विकली तिकिटं!

२७वर्षीय अभिनेत्रीने केआरकेवर असा आरोप केला आहे की, केआरकेशी ओळख झाल्यानंतर त्याने स्वत:ला निर्माता असल्याचे सांगून लीड रोल देण्याचं आमिष दाखवलं. त्यानंतर वाढदिवसाच्या पार्टीत बोलवून ड्रींकमधून गुंगीचं औषध पाजलं. त्यानंतर माझ्यावर केआरके याने अतिप्रसंग करण्याचा प्रयत्न केला. केआरकने गुप्तांग दाखवून अश्लील वर्तन केले. प्रसंगावधान राखून मी तिथून पळून गेले. हा प्रकार २०१९ ला झाल्याचे संबंधित अभिनेत्रीने तक्रार दाखल करताना म्हटले आहे.