आशाताईंचं नव्वदीत पदार्पण, असा सेलिब्रेट झाला वाढदिवस

मुंबई: ज्येष्ठ गायिका आशा भोसले यांनी आज नव्वदीत पदार्पण केलं. आशाताईंनी अगदी साधेपणानं त्यांचा वाढदिवस साजरा केल्याचं पाहायला मिळालं. या खास दिवसाची सुरुवात त्यांनी सिद्धिविनायकाच्या दर्शनानं केली. आज पहाटे त्यांनी वाढदिवसानिमित्तानं मुंबईतील सिद्धिविनायक मंदिरात गणपती बाप्पाचं दर्शन घेतलं.

पहाटे सिद्धिविनायकाचं दर्शन घेतल्यानंतर सायंकाळी आशाताईंनी कुटुंबियांसोबत वेळ घालवला. काही महिन्यांपूर्वीच आशाताईंची मोठी बहीण भारतरत्न स्वर्गीय लता मंगेशकर यांचं निधन झाल्यानं यंदा कोणतंही सेलिब्रेशन झालं नाही. पण आशाताईंचा त्यांची नात जनाईसोबतचा एक फोटो सध्या व्हायरल होतोय.

ऐश्वर्या राय बच्चन सहज बोलून गेली- करण जोहरमुळेच आलिया पुढे आली, आता व्हिडिओ झाला Viral
चाहत्यांकडून शुभेच्छा
आशाताईंना सेलिब्रिटी तसंच चाहत्यांनी सोशल मीडियाच्या माध्यमातून वाढदिवसाच्या शुभेच्छा दिल्या आहेत.

रणबीर- आलियासाठी मला फार खूप वाईट वाटलं, अयान मुखर्जीने बोलून दाखवली मनातली खंत
१५ हजारांहून अधिक गाणी
आशाताई म्हणून प्रसिद्ध असलेल्या आशा भोसले यांनी १५ हजारांहून अधिक गाणी गायली आहेत. त्यांनी एकूण २० भाषांमधील १ हजारांहून अधिक सिनेमांसाठी गाणी गायली. आशा भोसले यांचा जन्म ८ सप्टेंबर १९३३ रोजी सांगली इथे झाला. त्यांना लहानपणापासूनच गाण्याची आवड होती. वयाच्या १० व्या वर्षीच त्यांनी गायनाला सुरुवात केली. आशा भोसले या गायिका लता मंगेशकर यांच्या धाकट्या बहीण. त्यांचे वडील प्रसिद्ध शास्त्रीय गायक पंडीत दीनानाथ मंगेशकर यांचा वारसा सगळ्या भावंडांनी पुढे चालवला. वडिलांच्या निधनानंतर कुटुंबाची सर्व जबाबदारी लता मंगेशकर यांच्यावर आली. आशा भोसले यांनीही बहिणीला पाठिंबा देण्यासाठी गायला सुरुवात केली. आशा ताईंच्या आवाजात जितका गोडवा आहे तितकंच त्यांचं वैयक्तिक आयुष्य कडू आठवणींनी भरलेलं आहे.