आशा भोसलेंनी लता दिदींबरोबर गायलेलं हेच शेवटचं गाणं, तुम्ही ऐकलं का?

मुंबई : आज आशा भोसलेंचा ८९ वा वाढदिवस. इतकी वर्ष आपल्या सुरांनी रसिकांना आनंद त्या आहेत. आशाताईंचे सूर अनेक मूड्समध्ये अनेकांना मानसिक आधार देतात. आशाताई आणि लतादिदींच्या गाण्यात फरक असायचा. त्यामुळे प्रत्येक बाजाचं गाणं कोणाला द्यायचं, हे संगीतकार ठरवायचे. पण दोघी बहिणींनी एकत्रही काही गाणी गायली. पण त्यालाही बरीच वर्ष झाली.

माझी तुझी रेशीमगाठ : शेवटच्या सीनचं शूट, परीच्या डोळ्यात पाणी, म्हणाली…

एका म्युझिक रिअॅलिटी शोमध्ये आशाताईंनी ही गोष्ट उलगडून सांगितली. दोघींनी उत्सव सिनेमासाठी एकत्र गाणं गायलं होतं. मन क्यूँ बहका रे बहका, हे ते गाणं. आशाताईंनी आपल्या अनेक मुलाखतींतून सांगितलं आहे की लतादिदींबरोबर गायचं असेल तर त्यांना खूप टेंशन यायचं. त्या म्हणाल्या होत्या, ‘गानसम्राज्ञी लता मंगेशकर यांच्या बरोबर गायचं, म्हणजे काही सोपं काम नव्हतं. त्यासाठी मी आधी खूप रिहर्सल करत असे. दिदी समोर मी कुठे कमी पडायला नको. कारण पुन्हा तीच माझे कान धरेल.’

रिअॅलिटी शोमध्ये हे गाणं ऐकल्यावर आशा भोसले म्हणाल्या होत्या, ‘मन क्यूँ बहका रे बहका हे गाणं आम्ही दोघींनी १९८४ मध्ये गायलं होतं. त्यानंतर दोघी एकत्र गाणं गायचा योग काही आला नाही. हे गाणं म्हणूनच माझ्या हृदयाच्या जवळ आहे. हे गाणं जेव्हा ऐकते, तेव्हा ते दिवस समोर येतात.’ शिवाय मी गायलेल्या ओळी दिदीला आवडल्या होत्या, असंही आवर्जून त्या म्हणाल्या.

नाम रह जाएगा शोमध्ये आशा भोसले म्हणाल्या होत्या, अजूनही खरं वाटत नाही की दिदी या जगात नाही. असं वाटतं की कधीही, कोणत्याही क्षणी दिदीचा फोन येईल आणि ती नेहमीसारखी बोलेल असं म्हणत आशा भोसले यांचे डोळे पाणावले.

रजनीकांत समोर दिसताच त्यांच्या पाया पडली ऐश्वर्या राय, Video Viral