राडा… पाकिस्तान-अफगाणिस्तान सामन्यातील व्हिडिओ होतोय व्हायरल, पाहा काय घडलं…

दुबई : सध्याच्या घडीला पाकिस्तान आणि अफगाणिस्तान यांच्यातील सामना क्रिकेट जगतासाठी महत्वाचा आहे. पण पाकिस्तान आणि अफगाणिस्तान यांच्यातील चाहत्यांमध्ये जोरदार राडा झाल्याचा व्हिडिओ चांगलाच व्हायरल होत आहे. एका चाहत्याने हा व्हिडिओ आता शेअर केला आहे.
पाकिस्तान आणि अफगाणिस्तान या सामन्यावर भारताचे भवितव्य अवलंबून आहे. पण या दोन्ही देशांतील वैर सर्वांनाच माहिती आहे. अफगाणिस्तानला नेहमीच पाकिस्तानपेक्षा भारत जवळचा वाटतो. पण मैदानात अफगाणिस्तानचे चाहते गेल्या सामन्यात पाकिस्तानच्या चाहत्यांना भिडल्याचा व्हिडीओ सध्याच्या घडीला चांगलाच व्हायरल झालेला पाहायला मिळत आहे. गेल्यावेळी जेव्हा अफगाणिस्तान आणि पाकिस्तान हे दोन्ही संघ एकमेकांसमोर उभे ठाकले होते. तेव्हा दोन्ही देशांतील चाहत्यांमध्ये मैदानातच जोरदार राडा झाल्याचे पाहायला मिळाले होते. त्यानंतर आता हे दोन्ही संघ एकमेकांसमोर उभे ठाकले आहेत, पण त्यावेळी हा व्हिडिओ क्रिकेट विश्वात चांगलाच व्हायरल झालेला आहे. हा व्हिडिओ सध्याच्या आशिया चषकातील नाही तर गेल्या वेळी जेव्हा हे दोन्ही संघ खेळले होते, तेव्हाचा आहे. पण एका चाहत्याने आज हा व्हिडिओ शेअर केला आहे..

पण सध्याच्या घडीला अफगाणिस्तानच्या संघाने हा पाकिस्तानविरुद्धच्या सामन्याच्या पहिल्या सत्रात चांगली कामगिरी केल्याचे पाहायला मिळाले नाही. या सामन्यात अफगाणिस्तानची सुरुवात चांगली झाली नाही. कारण ४३ धावांमध्येच त्यांना पहिले दोन फलंदाज गमवावे लागले होते. त्यानंतर अफगाणिस्तानचे एका मागून एक ठराविक फरकाने विकेट्स पडत गेले आणि त्यांना मोठी धावसंख्या उभारण्यातत सपशेल अपयश आहे.

पाकिस्तानच्या संघाने टॉस जिंकत अफगाणिस्तानला प्रथम फलंदाजीसाठी पाचारण केले. त्यानंतर अफगाणिस्तानच्या फलंदाजांना चांगली फलंदाजी करता आले नसल्याचे पाहायला मिळाले. त्यामुळे पाकिस्तानला या सामन्यात जास्त धावांचा पाठलाग करावा लागणार नाही, हे आता स्पष्ट झाले आहे. त्यामुळे आता अफगाणिस्तानचा संघ कशी गोलंदाजी करतो, यावर सर्व काही अवलंबून असणार आहे. कारण अफगाणिस्तानला पाकिस्ताविरुद्ध प्रथम फलंदाजी करताना १२९ धावाच करता आल्या आहेत. दुसरीकडे अफगाणिस्तानची गोलंदाजी ही भेदक असल्याचे सर्वांनाच माहिती आहे. त्यामुळे आता अफगाणिस्तानचा संघ कशी गोलंदाजी करतो, यावर भारताचे भवितव्य अवलंबून असणार आहे. खासकरून या सामन्यात रशिद खान, मोहम्मद नबी आणि मुजीब उर रेहमान कशी गोलंदाजी करतात, याकडे सर्वांचे लक्ष लागलेले असेल. कारण या तिघांनी आतापर्यंत दमदार गोलंदाजी केली आहे. त्यामुळे या सामन्यात ते कोणता चमत्कार करतात, याकडे सर्वांचे लक्ष लागलेले असेल.

(हा व्हिडिओ पाकिस्तान आणि अफगाणिस्तान यांच्यात झालेल्या यापूर्वीच्या सामन्यातील आहे, हा व्हिडिओ आशिया चषक स्पर्धेतील नाही आणि तसा उल्लेख बातमीतही करण्यात आला आहे.)