MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
युरिक अ‍ॅसिड किती असावे? साधारणपणे तुमचे शरीर तुमच्या मूत्रपिंड आणि लघवीद्वारे यूरिक अ‍ॅसिड फिल्टर करत असते. परंतु काहीवेळा त्याचे प्रमाण इतके वाढते की ते सांध्यामध्ये जमा होते. कधीकधी रक्तातील त्याचे प्रमाणही वाढते. यूरिक अ‍ॅसिडची सामान्य श्रेणी 6.8 mg/dL पेक्षा कमी आहे.
जेव्हा यूरिक अ‍ॅसिड वाढते तेव्हा काय होते? उच्च यूरिक ऍसिड पातळी (6.8 mg/dL वर), ज्याला वैद्यकीयदृष्ट्या हायपर्युरिसेमिया (Hyperuricemia) म्हणतात. यामुळे गाउट नावाचा रोग होऊ शकतो. ज्यामुळे सांधे दुखीचा त्रास होत असून युरेट क्रिस्टल्स जमा होतात. महत्वाच म्हणजे यामुळे रक्त आणि लघवी मध्ये देखील आम्ल तयार होते. हार्वर्ड हेल्थ (Harvard Health) च्या अहवालानुसार, यूरिक अ‍ॅसिडची पातळी कमी करण्यासाठी, तुम्ही खालील उपाय करून पहा. (फोटो सौजन्य – टाइम्स ऑफ इंडिया)
लो फॅट डेअरी प्रोडक्ट्स
गाउट असलेल्या लोकांनी असे काही ठराविक पदार्थ आपल्या आहारात मर्यादित किंवा पूर्णपणे टाळण्याचा प्रयत्न करावा. कमी चरबीयुक्त दुग्धजन्य पदार्थ वापरणाऱ्या लोकांमध्ये यूरिक ऍसिडची पातळी कमी असते. कॅल्शियम असलेले पदार्थ खाल्यामुळे एकाच वेळी गाउट कमी करतात. तसेच तुमच्या हाडांचे संरक्षण करण्यात मदत करू शकतात.
(वाचा – 7-8 तास झोप, हेल्दी डाएट घेऊनही दिवसभर मरगळ जाणवते, शरीरात लपून असतील हे 5 गंभीर आजार)
ओमेगा 3 फॅटी अ‍ॅसिड
माशांमध्ये ओमेगा -3 फॅटी ऍसिड असतात जे निरोगी आहाराचा भाग समजले जाते. पण काही सीफूडमध्ये प्युरीन्सचे प्रमाण जास्त असते. गाउट असलेल्या लोकांना मासे पूर्णपणे वर्ज्य करण्याची गरज नाही. परंतु शेलफिश, सार्डिन आणि अँकोव्हीजचे प्रमाण ठराविक केले पाहिजे. कारण यामध्ये प्युरिनचे प्रमाण जास्त असते. एक चांगला पर्याय म्हणून, तुम्ही कॉड, तिलापिया किंवा फ्लाउंडर घेऊ शकता.
(वाचा – खजूर वाढवेल शरीराची लैंगिक ताकद, रक्ताच्या कमतरतेची तक्रारही होईल दूर, आयुर्वेदात सांगितले 15 फायदे))
विटामीन सी
अभ्यासात असे दिसून आले आहे की, व्हिटॅमिन सी यूरिक अ‍ॅसिडची पातळी कमी करू शकते. लिंबूवर्गीय फळे आणि व्हिटॅमिन सी समृद्ध असलेले इतर पदार्थ (जसे की स्ट्रॉबेरी आणि मिरी) त्यांच्या आहारात समाविष्ट केल्याने संधिरोग असलेल्या लोकांना मदत होऊ शकते. चेरी खाल्ल्याने संधिरोगाचा त्रास कमी होतो आणि वेदना सुधारतात, असं देखील काही अभ्यासांमध्ये नमूद केले आहे.
(वाचा – Gambia Kids Death: तुम्ही घेत असलेलं Cough Syrup ठरतंय जीवघेणं, या 4 औषधांना हातही लावू नका, WHO चा इशारा)
प्लांट बेस्ड फूड
आपण आपल्या आहारात वनस्पतीजन्य पदार्थांचा समावेश करावा. याचा अर्थ असा की, आपण अधिक फळे आणि भाज्या आणि शेंगांचे सेवन आहारात करायला पाहिजे. या व्यतिरिक्त संपूर्ण धान्य देखील या श्रेणीत येते. जसे की, गहू, सगळ्या डाळी. त्यामुळे तुमचा आहार परिपूर्ण असावा.
(वाचा – दारूने वाढतो नपुंसकतेसह १० लैगिंक आजारांचा धोका, हे ७ पदार्थ ठरतील रामबाण उपाय, डॉक्टरही देतील हा सल्ला))
लीन प्रोटीन
य़ुरिक अ‍ॅसिडचा त्रास होत असलेल्या व्यक्तींनी चरबीयुक्त पदार्थांचे सेवन कमी करावे. विशेषत: तुम्ही कमी सॅच्युरेटेड फॅटचे सेवन केले पाहिजे जे रेड मीटमध्ये जास्त आढळते. त्याऐवजी, चिकन, टर्की, मासे आणि टोफू यासह प्रथिनांचे दुबळे स्रोत उत्तम पर्याय आहेत.
(वाचा – Gambia Cough Syrup Deaths : खोकल्याच्या औषधाने ६६ मुलांचा घेतला जीव, Cough Syrup घेताना १० गोष्टी ठेवा धान्यात)
टीप : हा लेख फक्त सामान्य माहितीसाठी आहे. हा कोणत्याही प्रकारचा पर्याय असू शकत नाही. अधिक तपशीलांसाठी नेहमी आपल्या तज्ञांशी संपर्क साधावा.
Source link
