Asha Swayamsevika Job: आशा स्वयंसेविका पदांची भरती, आठवी उत्तीर्ण महिलांना सरकारी नोकरीची संधी

Asha Swayamsevika Recruitment: तुमच्या ओळखीत कोणी आठवी उत्तीर्ण महिला नोकरीच्या शोधात असेल तर तुम्ही त्यांची मदत करु शकता. कारण आठवी उत्तीर्ण महिलांसाठी नोकरीची संधी उपलब्ध झाली आहे. पिंपरी चिंचवड महापालिकेअंतर्गत (Pimpari Chinchwad Municipal Corporation, PCMC Recruitment) आशा स्वयंसेविका पदांची (Asha Swayamsevika Job) भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.

या पदासाठी केवळ महिला उमेदवार अर्ज करु शकतात. विवाहित महिलांना येथे कामाची संधी दिली जाणार आहे. तसेच पदासाठी अर्ज करणाऱ्या महिला उमेदवार या पिंपरी चिंचवड पालिकेच्या स्थानिक रहिवाशी असणे गरजेचे आहे. उमेदवाराचे वय २५ ते ४५ वर्षांदरम्यान असावे.

आकुर्डी रुग्णालय, यमुनानगर रुग्णालय, भोसरी रुग्णालय, वाय.सी.एस रुग्णालय, सांगवी रुग्णालय, जिजामाता रुग्णालय, तालेरा रुग्णालय, थेरगाव रुग्णालय येथे एकूण १५७ रिक्त पदे भरली जाणार आहेत.

PCMC Vacancy 2022: पदभरतीचे नोटिफिकेशन पाहण्यासाठी येथे क्लिक करा
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.

BMC Recruitment: मुंबई पालिकेत विविध पदांवर भरती, ‘येथे’ पाठवा अर्ज
मुंबई पोर्ट ट्रस्टमध्ये विविध पदांची भरती, मराठी तरुणांना नोकरीची संधी
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.

उमेदवारांना त्यांच्या झोननुसार अर्ज करण्याची शेवटची तारीख देण्यात आली आहे. १३,१४,१५,१६,१७, २०, २१ आणि २३ सप्टेंबर ही अर्ज करण्याची शेवटची तारीख आहे. उमेदवारांना नोटिफिकेशनमध्ये दिलेल्या संबंधित झोनच्या पत्त्यावर अर्ज पाठवायचे आहेत. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

कृषी विज्ञान केंद्रात भरती, पदवीधरांना ५६ हजार पगार मिळविण्याची संधी