‘जरा जरा बेहकता हैं…’ दियाकडे पाहून चाहत्यांच्या मनात पुन्हा गाण्याची रूंजी

Sustainable Saree मध्ये दियाचा लुक

दिया नेहमीच पर्यावरणाची काळजी घेण्यात पुढाकार घेते. आता फॅशनमध्येही तिने Sustainable Saree अंगिकारली असून तिचा हँडक्राफ्टेड साडीचा लुक व्हायरल होतोय. या साडीत दिया अत्यंत सुंदर आणि लाघवी दिसत आहे.

रेड, पीच आणि आयव्हरी रंगाची उधळण

दियाने नेसलेल्या साडीत लाल, पीच आणि आयव्हरी या तीन रंगाचे मिश्रण दिसून येत आहे. हे तिन्ही रंग मिसळून तिच्या सौंदर्यात अधिक भर घालत आहेत. इतकंच नाही तर रोजच्या आयुष्यातील फुलं, स्टार्स, पावसाचे थेंब यापासून प्रेरणा घेत या साडीवर डिझाईन करण्यात आले आहे. Dabu Block Prints असणारी ही साडी लक्ष वेधून घेत आहे.

(वाचा – ‘हमको आज ही कल है इंतजार…’ मॉडर्न लुगडं-चोळीमध्ये समृद्धीच्या सौंदर्याने चाहत्यांचा कलिजा खल्लास)

सिल्व्हर दागिन्यांचा साज

या साडीसह दियाने सिल्व्हर दागिने घातले असून त्यासह मोती जोडण्यात आले आहे. बारीक नक्षीकाम केलेला नेकलेस आणि डिझाईन्ड कानातले घालून तिने या साडीची स्टाईल पूर्ण केली आहे. तर हे दागिने साडीच्या रंगात अधिक भर घालून शोभा वाढवत आहेत. बांगडी, अंगठी हेदखील घातले आहे.

(वाचा – अभिजात सौंदर्याची खाण आहे सागरिका, नैसर्गिक सौंदर्यावर झहीरच काय दुनिया झालीये ‘क्लीन बोल्ड’! )

वेव्ही मेस्सी बन

या साडी आणि दागिन्यांसह वेव्ही मेस्सी बन तिच्या चेहऱ्याला परफेक्ट लुक मिळवून देत आहे. साडी आणि चेहऱ्याला योग्य अशी हेअरस्टाईल दियाने निवडल्याचे दिसून येत आहे. पुन्हा एकदा फॅशनिस्टा असल्याचे दियाने दाखवून दिले आहे.

(वाचा – Daljit Kaur Haldi: नव्या आयुष्याची पुन्हा सुरूवात करतेय दलजीत, निखिल पटेलसह हळदीमध्ये न्हाऊन निघाली)

न्यूड मेकअप लुक

या साडीसह जितका नैसर्गिक राहता येईल तितकाच मेकअप दियाने केला आहे. न्यूड मेकअप निवडून केवळ काजळ, लायनर, आयशॅडो, डार्क आयब्रो आणि न्यूड लिपस्टिक शेडचा वापर केला आहे. तर यावर सौंदर्याचा कहर म्हणजे लहानशी लाल टिकली लावत तिने लुक पूर्ण केला आहे.

वेड लावणारा लुक

दियाचा हा साधा मात्र क्लासी आणि एलिंगट असा वेड लावणारा लुक आहे. दिया नेहमीच कमी मेकअप आणि क्लासी स्टाईलमध्ये दिसून येते. हाच लुक आणि स्टाईल तिने या साडीसहदेखील मेंटेन ठेवली आहे. तिच्या लुकवरून नजर हटत नाहीये.
तुम्हीही एखाद्या कार्यक्रमासाठी दियाचा हा लुक पाहून त्यावरून स्टाईलची प्रेरणा घेऊ शकता. क्लासी आणि उठावदार लुकसाठी ही स्टाईल परफेक्ट आहे.