हिरवीकंच नऊवारी आणि बंधगळा लुक सोनाली – आशयचा राजेशाही थाट

सिल्व्हर बुट्ट्यांची हिरवीगार नऊवारी

सोनालीने म. टा. सन्मान सोहळ्यातील आपल्या लुक्सचे काही फोटो आशयसह शेअर केले आहेत. सोनालीच्या या लुक्सवर चाहतेही फिदा झाले आहेत. राजेशाही थाटाप्रमाणे सोनालीच्या नऊवारीचा लुक देण्यात आला आहे. गडद हिरवा रंग आणि त्यासह वेलवेटचा ब्लाऊज अप्रतिम दिसतोय. या साडीवर असणाऱ्या सिल्व्हर बुट्ट्यांनी साडीची शोभाच वाढवली आहे.

बंधगळा जॅकेट आणि कुर्ता

आशयने मजेंडा रंगातील बंधगळा कुर्ता आणि जॅकेट लुक केला असून त्यावर एका बाजूला गोल्डन पॅच देण्यात आला आहे. आशय या लुकमध्ये Dappler दिसत असून पारंपरिक लुकमुळे एक वेगळाच साज दिसून येतोय.

(वाचा – सिल्व्हर सिक्विन ब्रालेट आणि सेफ्टी पिन्स शॉर्ट्समध्ये नोरा फतेहीचा अचंबित करणारा लुक, इंटरनेरवर लावली आग)

नथीचा नखरा आणि कपाळी चंद्रकोर

सोनालीने या साडीसह स्टाईल करताना नथ घातली असून हा नथीचा नखरा सौंदर्यात भर घालत आहे तर कपाळावरील चंद्रकोर लक्ष वेधून घेत आहे. यासह तिने आंबाडा बांधला असून कोणत्याही सणासाठी हा लुक परफेक्ट ठरू शकतो. लवकरच येणाऱ्या गुढीपाडव्यासाठीही तुम्ही या लुकवरून प्रेरणा घेऊ शकता.

(वाचा – Jyotika Dilaik Wedding: लाल लेहंग्यात सौंदर्याने न्हाऊन निघाली रूबिना दिलैकची लहान बहीण, ज्योतिकाच्या लग्नाचे फोटो व्हायरल)

कोल्हापुरी चप्पल

आशय आणि सोनालीचे हा पारंपरिक लुक परफेक्ट करताना पायातही कोल्हापुरी चप्पल्स घातल्या आहेत. यामुळे लुक पाहताना अधिक उठावदार आणि मराठमोळा वाटतोय. यासह अगदी पारंपरिक पोझ देत दोघांनी फोटो शेअर केले आहेत.

(वाचा – केसात गजरा, करारी नजर जान्हवी कपूरचा असा लुक की श्रीदेवीचाच भास, ब्लाऊजलेस साडीतील फोटो व्हायरल)

मिनिमल मेकअपने सौंदर्यात भर

साधारण अशा सोहळ्यांमध्ये गडद मेकअप करण्यात येतो. मात्र पारंपरिक लुकला प्राधान्य देऊन सोनाली आणि आशयने मिनिमल मेकअप करत लुक पूर्ण केला आहे. काजळ, आयलायनर, बेसिक मेकअप आणि लिपस्टिक यासह सोनालीने नऊवारी साडीचा लुक केलाय तर आशयही या पारंपरिक लुकमध्ये रांगडा गडी दिसतोय.

आता येणारा गुढीपाडवा सण, या सणासाठी वेगळ्या स्टाईलचा विचार करत असाल तर सोनाली आणि आशयची ही स्टाईल तुम्ही नक्कीच फॉलो करू शकता.