प्राजक्ता माळीच्या लुकवर अनेकदा चाहते फिदा झालेले दिसतात. नुकतेच प्राजक्ताने कलरफुल साडीतील फोटो शेअर केले आहेत आणि पुन्हा एकदा इंटरनेटवर प्राजक्ताच्याच लुकची हवा झालेली पाहायला मिळाली आहे. प्राजक्ताचा हा रंगबेरंगी साडीतला लुक चाहत्यांना खूपच आवडला आहे. तुम्हीही प्राजक्तासारखी स्टाईल कोणत्याही पार्टीसाठी करू शकता. जाणून घ्या लुक (फोटो सौजन्य – @prajakta_official Instagram)
प्राजक्ताची फ्लोरल प्रिंट साडी
प्राजक्ताने नेसलेली साडी दिसायला अत्यंत सुंदर दिसत आहे. फ्लोरल प्रिंट असणारी ही साडी नक्कीच वजनाला हलकी असल्याचा अंदाज येत आहे. जांभळ्या रंगाची ही साडी आणि त्यावर हिरव्या गुलाबी रंगाची प्रिंट खूपच आकर्षक दिसत आहे. त्यासह प्राजक्ताने स्टाईल केलेला स्लिव्हलेस ब्लाऊज अधिक स्टायलिश दिसत आहे.
हुप्स इअररिंग्ज आणि ब्रेसलेट
या साडीसह स्टाईल करताना स्टायलिस्ट शाल्मली टोळ्ये हिने प्राजक्ताला हुप्स इअररिंग्ज आणि ब्रेसलेट दिले आहे. अत्यंत साधा आणि एलिगंट असा हा लुक करण्यात आला आहे. फ्लोरल प्रिंट असल्यामुळे अति अॅक्सेसरीजचा वापर करण्यात आलेला नाही आणि हेच प्राजक्ताच्या सुंदर दिसण्याचं गुपित आहे.
(वाचा – ‘गुलाबाची कळी कशी…’ रिंकूच्या गुलाबी लुकवर चाहते फिदा, म्हणतायत ‘महाराष्ट्राची अप्सरा’ )
वेव्ही हेअरस्टाईल
डीप नेक ब्लाऊज मागच्या बाजूने असल्यामुळे प्राजक्ताने केलेली हे वेव्ही हेअरस्टाईल अत्यंत आकर्षक दिसत आहे. मधून भांग पाडून दोन्ही बाजूला केलेली वेव्ही हेअरस्टाईल कोणत्याही पार्टी लुकसाठी अधिक सुंदर दिसू शकते. तुम्हीही याचा वापर करून घेऊ शकता.
(वाचा – Oscars 95: दीपिका पादुकोणचा ब्लॅक ऑफ-शोल्डर लुक आणि नव्या नेक टॅटूने वेधले लक्ष)
परफेक्ट मॅट मेकअप
प्राजक्ताने या पर्पल साडीसह मॅट मेकअपची निवड केली आहे. नैसर्गिक मेकअप आणि आयशॅडो, लिपस्टिक, काजळचा वापर करून हा लुक पूर्ण केला आहे. साडीवर असणाऱ्या गुलाबी रंगाच्या शेडचा लिपस्टिकसाठी वापर करण्यात आला आहे. त्यामुळे हा लुक अधिक उठावदार दिसून येतोय.
(वाचा – हिरवीकंच नऊवारी आणि बंधगळा लुक सोनाली – आशयचा राजेशाही थाट, पारंपरिक लुकने वेधले लक्ष)
महाराष्ट्रीयन चेहऱ्यावर लाखो फिदा
प्राजक्ताच्या या निरागस आणि टिपिकल महाराष्ट्रीयन चेहऱ्यावर अनेक चाहते फिदा आहेत. तिला फॉलो करणारे चाहते नेहमीच तिच्या फॅशन आणि स्टाईल्सवर कमेंट्स करत असतात. अस्सल मराठी सुंदरी असल्याची कमेंट करत पुन्हा एकदा तिच्या सौंदर्यावर फिदा असल्याचे चाहत्यांनी व्यक्त केले आहे.
प्राजक्ताच्या या साडी लुकवरून तुम्हीही स्टाईल करू शकता. कोणत्याही पार्टीसाठी हा लुक अत्यंत कम्फर्टेबल आहे.