या सुपरस्टारकडे आहेत ३६९ लग्झरी गाड्या, एकदा चालवली तर पुढच्यावर्षीच येतो त्या गाडीचा नंबर

मुंबई- सिनेस्टार जसे यशस्वी होतात तसे त्यांचे छंदही मोठे असतात. बॉलिवूडमध्ये असे अनेक स्टार्स आहेत ज्यांना महागड्या बाईक, फोन, शूज आणि कपड्यांची आवड आहे. पण आज आम्ही तुम्हाला एका अशा स्टारबद्दल सांगणार आहोत, ज्याला महागड्या कारची एवढी आवड आहे की त्याच्याकडे तब्बल ३६९ गाड्या आहेच. त्यामुळे जर एक गाडी एकदा चालवली तर त्या गाडीचा नंबर दुसऱ्या वर्षी येतो.

आम्ही बोलतोय ते दाक्षिणात्य मेगासुपरस्टार मामूट्टी यांच्याबद्दल. आज ७ सप्टेंबर रोजी मामूट्टी त्यांचा ७१ वा वाढदिवस साजरा करत आहेत. मामूट्टी यांनी मल्याळम आणि तमिळ सिनेमांमध्ये अनेक सुपरहिट सिनेमे दिले. मामूट्टी यांना गाड्यांची एवढी आवड आहे की त्यांच्याकडे १५-२० नव्हे तर ३६९ गाड्यांचा ताफा आहे. त्यात स्वस्त गाड्यांपासून अतीशय महागड्या गाड्यांचा समावेश आहे.

ब्रेस्ट-ओठ छोटे आहेत…अभिनेत्रीला हे कारण देत सिनेमातून दाखवलेला बाहेरचा रस्ता

एवढेच नाही तर मामूट्टी यांनी काही वर्षांपूर्वी देशातील पहिली मारुती-८०० विकत घेण्याची इच्छाही व्यक्त केली होती. मामूट्टी यांनी त्यांच्या गाड्यांसाठी स्वतंत्र गॅरेज बांधले आहे. मामूट्टी यांना स्वतः कार चालवायला आवडते. आता त्यांच्या या ग्रँड कलेक्शनमध्ये कोणत्या गाड्या आहेत ते एकदा पाहू.

मेगास्टार मामूट्टी यांच्या कलेक्शनमध्ये Jaguar XJ-L (Cavier) ही सध्याची नवीन गाडी आहे. त्याच्या दोन्ही आवृत्त्या (पेट्रोल-डिझेल) मामूट्टी यांनी विकत घेतल्या आहेत. इतकेच नाही तर त्याचा नोंदणी क्रमांक (KL 7BT 369) देखील त्यांच्या ३६९ गाड्यांच्या संग्रहावर आधारित आहे. असं असलं तरी, त्यांच्या बहुतेक गाड्यांचे क्रमांक ३६९ आहेत.

याशिवाय मामूट्टी यांच्या कलेक्शनमध्ये टोयोटा लँड क्रूझर एलसी २००, फेरारीचे अनेक मॉडेल्स, मर्सिडीज आणि ऑडी, पोर्श, टोयोटा फॉर्च्युनर, मिनी कूपर एस, एफ१० बीएमडब्ल्यू ५३०डी आणि ५२५डी, ई ४६ बीएमडब्ल्यू एम३, मित्सुबिशी पजेरो स्पोर्ट्स, फॉक्सवैगन पैसेट एक्स २ आणि असे अनेक वर्ल्ड क्लास मॉडेल्सचा समावेश आहे. मामूट्टी यांच्याकडे आयशरची एक कॅरावैनही आहे, ज्यात त्यांनी कस्टमाइज बदल केले आहेत.

हे फार कमी लोकांना माहीत आहे की, दाक्षिणात्य सिनेसृष्टीत ऑडी विकत घेणारे मामूट्टी हे पहिले स्टार होते. मामूट्टी यांचं देशातील कार म्हणजेच मारुतीवर खूप प्रेम आहे. त्यांनी मारुतीची पहिली गाडी विकत घेतली होती आणि त्यांच्या ३६९ गाड्यांमध्ये आजही मारुतीचे तीन मॉडेल्स आहेत.