विराट कोहलीने दोन व्यक्तींना समर्पित केलं पहिलं शतक, म्हणाला ‘ मला धक्का बसला अन् वाटलं…’

दुबई : विराटट कोहलीला आतापर्यंच ट्वेन्टी-२० क्रिकेटमध्ये एकही शतक झळकावता आले नव्हते. अफगाणिस्तानविरुद्धच्या सामन्यातील त्याचे हे पहिले ट्वेन्टी-२० शतक ठरले आहे. आपले हे शतक कोहलीने दोन व्यक्तींना समर्पित केल्याचे पाहायला मिळाले. त्याचबरोबर या शतकानंतर कोहलीने आपल्या भावनाही व्यक्त केल्या.

कोहली म्हणाला की, ” “गेल्या अडीच वर्षांनी मला खूप काही शिकवलं. मी एका महिन्यात ३४ वर्षांचा होणार आहे. त्यामुळे यापूर्वी मी ज्यापद्धतीने आक्रमक सेलिब्रेशन करायचो, तसे आता करणार नाही. खरं तर मला धक्का धक्का बसला होता. माल वाटलं की हा शेवटचा प्रकार माझ्यासाठी शिल्लक राहीलेला आहे. पण या काळात मला संघाने चांगली मदत केली. जेव्हा मी शतक झळकावलं तेव्हा मी माझी रिंग पहिल्यांदा किस केली. मी इथे उभा आहे ते फक्त आणि फक्त एकाच व्यक्तीमुळे, ती व्यक्ती म्हणजे अनुष्का. प्रत्येकवेळी ती माझ्याबरोबर उभी राहीली. त्यामुळे हे शतक मी तिला समर्पित करतो आणि त्याचबरोबर माझी लहान मुलगी वामिकालाही हे शतक समर्पित करतो. जेव्हा एखादी व्यक्ती तुमच्याबरोबर कायम असते तेव्हा काही गोष्टी सोप्या होतात. जेव्हा मी संघात परतलो त्यापूर्वी मी सहा आठवड्यांची सुट्टी घेतली होती. या सुट्टीमध्ये मी किती थकलो आहे, हे मला जाणवले. या एका ब्रेकमुळे मला पुन्हा एकदा खेळाचा आनंद लुटता आला.”

विराट कोहलीचे हे आंतरराष्ट्रीय कारकिर्दीतील ७१वे शतक ठरले. या शतकासह त्याने ऑस्ट्रेलियाचा माजी कर्णधार रिकी पॉन्टिंगशी बरोबरी केली आहे. पण शतकांच्या यादीत प्रथम स्थानावर आहे ते भारताचा महान क्रिकेटपटू सचिन तेंडुलकर. सचिनने आंतरराष्ट्रीय क्रिकेटमध्ये १०० शतकं झळकावली होती. त्यामुळे आता हा विश्वविक्रम कोहली मोडणार की नाही, याची उत्सुकता चाहत्यांना असेल. पण सचिनला ट्वेन्टी-२० किकेटमध्ये शतक झळकावता आले नव्हते. पण कोहलीने आता पहिले शतक झळकावले आहे. त्यामुळे आता कोहली अजून किती शतकं झळकावतो, याची उत्सुकता सर्वांना असेल.