अहंकारी विराट कोहली अखेर सूर्यकुमार यादवपुढे झुकला, Videoमध्ये पाहा नेमकं घडलं तरी काय…

दुबई : कोणतेच दिवस सारखे नसतात. चांगले दिवस सुरु असताना तुम्ही जर अहंकार बाळगला तर नशिब फिरल्यावर तो ठेचलाच जातो, याचे उत्तम उदाहरण भारत आणि हाँगकाँग यांच्यातील सामन्यामध्ये पाहायला मिळाले. विराट कोहली भारताचा कर्णधार असताना त्याने सूर्यकुमार यादवला दिलेली ठसन सर्वांना अजूनही आठवत असेल. कोहली तेव्हा गुर्मीत होता. पण सूर्याने त्याचा अहंकार तेव्हाही मोडला होता. आता तर सूर्याने त्याला आपल्या समोर झुकायला भाग पाडले. या सामन्यात असं नेमकं घडलं तरी काय, याची उत्सुकता चाहत्यांना असेल. या गोष्टीचा एक व्हिडीओ सध्याच्या घडीला चांगलाच व्हायरल झाला आहे.

कोहलीने जेव्हा सूर्याला आयपीएलमध्ये ठसन दिली होती, तो सामना मुंबई इंडियन्सनेच जिंकला होता आणि विजयाचा शिल्पकार ठरला होतो तो सूर्या. आज तर कोहली आणि सूर्या तर एकाच संघात होते, पण असं नेमकं घडलं तरी काय की, कोहलीला सूर्यासमोर झुकावे लागले.

नेमकं घडलं तरी काय, पाहा….

लोकेश राहुल बाद झाल्यावर सूर्या फलंदाजीला आला आणि त्याने संघाच्या धावगतीची मरगळ घालवून टाकली. सूर्याने धडाकेबाज फटकेबाजी करत कोहलीलाही शांत केले होते. सूर्याने कोहलीबरोबर ९८ धावांची अभेद्य भागीदारी रचली आणि त्यामध्ये सूर्याचा वाटा हा ६८ धावांचा होता, यावरूनच चित्र स्पष्ट होऊ शकते. कोहलीनंतर येऊनही सूर्याने कोहलीपेक्षा जास्त धावा केला. कोहलीने ४४ चेंडूंत नाबाद ५९ धावा केल्या तर सूर्याने फक्त २६ चेंडूंत नाबाद ६८ धावांची तुफानी खेळी साकारली. कोहलीचे अर्धशतकही सूर्यामुळेच झाकोळले गेले. सूर्याने या सामन्यात सध्याच्या घडीला कोण सरस आहे हे दाखवून दिले. त्यामुळे एकेकाळी अहंकार दाखवणारा कोहली सूर्यासाठी खास थांबल्याचे पाहायला मिळाले. भारताने २० षटके पूर्ण खेळली. अखेरच्या चेंडूवर दुहेरी धाव घेतल्यावर कोहली मैदान सोडून निघेल, असे वाटत होते. पण तो सूर्याची वाट पाहत थांबला होता. सूर्या मैदानातून बाहेर निघत असताना कोहली त्याची वाट पाहत होता. सूर्या जसा त्याच्या जवळ गेला तेव्हा कोहली त्याच्यापुढे झुकला आणि त्याला मानाचा मुजरा केला. सध्याच्या घडीला हा व्हिडिओ क्रिकेट विश्वात सर्वात जास्त व्हायरल झाला आहे.

कोहलीने एकेकाळी सूर्याला ठसन दिली होती. पण दिवस आणि चक्र फिरली की काय होऊ शकते, याचा प्रत्यय या सामन्यात पाहायला मिळाला. सामना संपल्यावर समालोचकांना सूर्याला हा व्हिडिओ दाखवला. पण त्यावेळी सूर्याने बोलण्यास नकार दिला. पण त्याची प्रतिक्रीया मात्र चांगलीच बोलकी होती.