Video : आनंदाच्या पालखीचा मी भोई, भाऊजींनी साजरी केली ‘होम मिनिस्टर’ची १८ वर्ष!

मुंबई : अगदी घराघरात पोहोचलेला कार्यक्रम म्हणजे होम मिनिस्टर. अनेक घरात भाऊजींची वाट पाहिली जाते. आतापर्यंत लाखो कुटुंबांनी यात भाग घेतलाय. आदेश बांदेकरांची माणसांना बोलतं करण्याची शैली सगळ्यांनाच आवडते. या शोला बघता बघता १८ वर्ष पूर्ण झाली. त्यानिमित्तानं आदेश बांदेकरांनी केक कापतानाची पोस्ट शेअर केली आहे.

प्रेक्षकांच्या दबावापुढे वाहिनी झुकली, ‘माझी तुझी रेशीमगाठ’ आता नव्या वेळेत

भाऊजींबरोबर पडद्यामागच्या कलाकारांबरोबर केक कापला. त्यावेळी बांदेकर म्हणाले, ‘१३ सप्टेंबर २००४ ला हा कार्यक्रम सुरू झाला. १३ दिवसांसाठी सुरू झालेला हा कार्यक्रम इतका मोठा इतिहास घडवेल असं वाटलं नव्हतं. मी भाग्यवान की या आनंदयात्रेच्या पालखीचा भोई होण्याचं भाग्य मला लाभलं. जी जी स्वप्न पाहिली होती, ती सगळी पूर्ण झाली. या कार्यक्रमानं वेगळा आशीर्वाद दिला.’

आदेश बांदेकर म्हणाले, ‘जगाच्या नकाशावर रोज एका कुटुंबाला बोलतं करणारा आणि इतकी वर्ष चालणारा एकही कार्यक्रम नाही.’ यावेळी त्यांच्या बरोबर पडद्यामागची टीम होती. त्यातले १८ वर्ष स्पाॅट बाॅय म्हणून काम करणारे मिथिलेश यांच्याकडून केक कापला. बांदेकर म्हणाले करोना काळात कार्यक्रम बंद होता, तरीही ही टीम इथेच राहिली. दुसरीकडे गेली नाही.

आलिया भट्टच्या डोहाळे जेवणाच्या तयारीत रंगल्या आज्जी

होम मिनिस्टर आता रोज संध्याकाळी ६ वाजता पाहता येईल. ६.३० वाजता माझी तुझी रेशीमगाठ ही मालिका दाखवली जाणार आहे. होम मिनिस्टरच्या या पर्वात ‘महा मिनिस्टर’ची विशेष चर्चा झाली ती, ११ लाखांच्या पैठणीमुळं. या कार्यक्रमात आदेश भावोजी विजेत्या वहिनीला चक्क ११ लाख रुपयांची पैठणी बक्षीस म्हणून देणार होते. राज्याच्या जिल्ह्या-जिल्ह्यात या शोचे खेळ रंगले होते. त्यामुळं कोणत्या जिल्ह्यातील वहिनी पैठणी पटकावणार याकडं सर्वांचं लक्ष लागलं होतं.
या पर्वाच्या विजेत्या रत्नागिरीच्या लक्ष्मी ढेकणे झाल्या होत्या.