Video : अखेर तो क्षण आला, आशुतोषनं दाखवली हिंमत; अरुंधतीला सांगितलं मनातलं

मुंबई : आई कुठे काय करते मालिकेत अनेकदा हाय व्होल्टेज ड्रामा असतो. कोण ना कोण तरी सतत तणावात असतं. पण आता पुढच्या काही भागांमध्ये प्रेक्षकांना काही वेगळं पाहायला मिळू शकतं. अरुंधती या वर्षी घरी गणपती आणण्याचं ठरवत असते. तिची मुलं तिला दुजोरा देतात. सगळ्यांनाच हे आवडतं.

आता हा बाप्पा आशुतोषला पावतोय का, त्याच्या मनातली इच्छा पूर्ण होतेय का हेही येत्या भागात कळेल. कारण आगामी भागाचा एक व्हिडिओ समोर आला आहे. त्यात आशुतोष अगोदर नितीनला विचारतो की चांगलं काॅफी शाॅप कुठलं आहे? मी अरुंधतीला घेऊन जातोय. यावर मुद्दाम नितीन म्हणतो मी पण येतो. तर हा म्हणतो, तू कशाला?

गरोदर आशा भोसले यांना पतीने काढलेलं घराबाहेर, १६ व्या वर्षी केलेलं लग्न

दुसऱ्या दृश्यात आशुतोष आणि अरुंधती काॅफी शाॅपमध्ये निवांत बसलेत. आशुतोष म्हणतो, ‘अरुंधती या वयात नवी नाती निर्माण होत नाहीत. आणि झालीच तर ती टिकतात कायमची. म्हणून माझ्या मनात असा विचार येतोय…’ हा व्हिडिओ इथेच थांबतोय. प्रेक्षकांच्या मनात उत्सुकता निर्माण करून. आता आशुतोष नक्की काय म्हणतो, त्यावर अरुंधती काय उत्तर देते, हे सगळं पुढच्या भागात समोर येईल.

मागच्या भागात मुलं फिरून घरी येतात. अनिरुद्ध ईशावर भडकतो. तो म्हणतो, अनिश तुझ्या आजूबाजूलाही फिरकायला नको मला. त्यानंतर ईशाला मुलांपासून आलेल्या वाईट अनुभवाबद्दलही तो आठवण काढतो. त्यावर यश म्हणतो, सगळे काही एकसारखे नसतात. आई नाही असा विचार करत. तसं असतं तर आईनं आशुतोषशी मैत्री नसती केली. अरुंधतीलाही वेळोवेळी यश नवीन आयुष्य सुरू कर, असा सल्ला देत असतो. त्यामुळे आता पुढचे भाग रंजक होतील.

माझी तुझी रेशीमगाठ : शेवटच्या सीनचं शूट, परीच्या डोळ्यात पाणी, म्हणाली…