शूटिंगच्या शेवटच्या दिवशी श्रेयस-प्रार्थनानं काय केलं? हे क्षण Video मध्ये कैद!

मुंबई : दैनंदिन मालिका एखाद्या कुटुंबासारखी असते. प्रेक्षक या कुटुंबात कळत नकळत सहभागी होतात. त्यातले कलाकार तर रोजच शूटिंगला येत असतात. सीन करून त्यांच्यातही छान मैत्री होते. अनेक तास, दिवस-रात्र ते एकत्र असतात. माझी तुझी रेशीमगाठ मालिकाही आता वर्षभरानंतर बंद होतेय. वर्षभर कलाकारांमध्ये छान बाँडिंग तयार झालंय.

Video : अखेर तो क्षण आला, आशुतोषनं दाखवली हिंमत; अरुंधतीला सांगितलं मनातलं

काल मालिकेचा शेवटचा सीन शूट झाला. म्हणजे आता शूटिंग संपलं. तेव्हा सर्व कलाकारांनी एकत्र येऊन काय केलं, याचा एक व्हिडिओ सध्या व्हायरल झाला आहे. सगळे कलाकार सेटवर झाडाखाली जेवायला बसलेत. श्रेयस तळपदे, प्रार्थना बेहरे, सिम्मी काकू, शेफाली सगळेच एकत्र जेवतायत. व्हिडिओमध्ये हे कलाकार चाहत्यांचा हात हलवून निरोप घेत आहेत. विश्वजीतची भूमिका करणारा आनंद काळे आणि परी म्हणजेच मायरा यांची वेगळीच धमाल सुरू आहे. या व्हिडिओला हसते हसते कट जाए रस्ते हे गाणंही लावलं आहे.

या पोस्टवर अनेकांनी हार्ट इमोजी शेअर केल्या आहेत. शिवाय मिस यु असंही लिहिलं आहे. काही दिवसांपूर्वी संकर्षण कऱ्हाडेनंही श्रेयसबरोबरच्या शेवटच्या सीनची पोस्ट शेअर केली होती. खांद्यावर हात टाकलेला, मिठी मारलेला फोटो शेअर करत संकर्षणने असं लिहिलं आहे की, ‘बाय बाय यश समीर, काल आम्ही माझी तुझी रेशीमगाठ या मालिकेतील शेवटचा सीन शूट केला. यश आणि समीर म्हणून आमचा शेवटचा सीन असला तरी ही दोस्ती कायम राहणार आहे. मला माझ्या मित्राची, यशची, पात्राची , समीरची आणि त्यांच्या अफलातून मैत्रीची कायम आठवण येत राहील. ही दोस्ती तुटायची नाय.’

माझी तुझी रेशीमगाठ : शेवटच्या सीनचं शूट, परीच्या डोळ्यात पाणी, म्हणाली…

मालिकेच्या शूटिंगदरम्यान संकर्षण नेहमीच ऑफस्क्रीन तो आणि श्रेयस कशी धमाल करतात हे सांगायचा. तू म्हणशील तसं या नाटकाच्या दौऱ्यासाठी जेव्हा संकर्षण दुबईला गेला होता तेव्हा त्याने श्रेयससाठी खास टीशर्ट आणला होता. तो फोटोही दोघांनी शेअर केला होता. फ्रेंडशीप डे मालिकेतच नव्हे तर या दोघांनी प्रत्यक्षातही साजरा केला होता. मालिकेच्या निमित्ताने मैत्रीचे कित्येक सीन त्यांनी केले. संकर्षण आणि श्रेयस यांच्या मैत्रीची केमिस्ट्री प्रेक्षकांना खूपच आवडली.