ब्रेन डेड नाही तर कोमात आहेत राजू श्रीवास्तव, कॉमेडियन अजून बेशुद्धच; मेंदूलाही सूज

मुंबई : प्रसिद्ध कॉमेडियन राजू श्रीवास्तव यांच्या प्रकृतीबाबतची अत्यंत महत्त्वाची अपडेट बातमी समोर आली आहे. ही बातमी राजू यांचे मॅनेजर राजेश शर्मा यांनी दिली आहे. राजेश शर्मा यांनी सांगितलं की, राजू यांचा ब्रेन डेड झालेला नाही. त्यांची प्रकृती आधीपेक्षा बरीच सुधारली आहे. सध्या ते कोमामध्ये आहेत. १८ ऑगस्ट रोजी राजू श्रीवास्तव यांचा ब्रेन डेड झाल्याचं डॉक्टरांनी जाहीर केल्याची माहिती मिळाली होती. तसंच त्यांच्या हृदयाचं कार्यही सुरळीत नसल्याचं डॉक्टरांनी सांगितलं होतं. या पार्श्वभूमीवर राजू श्रीवास्तव यांचं निधन झाल्याची अफवा सोशल मीडियावर पसरली.

राजू यांची मुलगी अंतरा हिनं सांगितले की, ‘पप्पांवर डॉक्टर अजूनही उपचार करत आहेत.’ आता राजू यांच्या मॅनेजरनंही त्यांच्या तब्येतीबाबत सकारत्मक अशी बातमी दिल्यामुळे चाहत्यांना मोठा दिलासा मिळाला आहे.

हे वाचा-नेत्रा जे बोलते तेच घडतं, सातव्या मुलीची सातवी मुलगी नक्की आहे तरी कशी?

राजू यांचा ब्रेन डेड नाही तर कोमात आहेत

राजेश शर्मा यांनी ‘आजतक’ सांगितलं की, ‘राजू श्रीवास्तव यांची प्रकृती आधीच्या तुलनेत सुधारली आहे. त्यांच्या शरीरातील अवयव कार्यरत आहेत. त्यांची प्रकृती देखील स्थिर आहे.’ शर्मा यांनी पुढं सांगितलं की, राजू यांच्या प्रकृतीत सुधारणा होत आहेत. काही सकारात्मक अशा गोष्टी घडत आहेत. राजू यांच्या मेंदूला सूज आली होती. त्यांचा ब्रेन डेड झालेला नाही. आता त्यांच्या मेंदूला आलेली सूज कमी झाली आहे. राजू सध्या कोमा-सेमी कोमामध्ये आहेत.

राजू यांच्यावर नवीन डॉक्टर करत उपचार

राजेश शर्मा यांनी पुढं सांगितलं की, राजू श्रीवास्तव यांच्यावर उपचार करण्यासाठी नवीन डॉक्टर आले आहेत. त्यामुळे त्यांची प्रकृती लवकरच सुधारेल अशी अपेक्षा आहे. शर्मा यांनी पुढे सांगितलं की, राजू यांच्यावर उपचार करणाऱ्या डॉक्टरांची टीम बदलण्यात आली आहे. याआधी त्यांच्यावर डॉ. अचला श्रीवास्तव उपचार करत होते परंतु आता दुसरे डॉक्टर त्यांच्यावर उपचार करत आहेत. त्यानंतर राजू यांच्या तब्येतीमध्ये काही सकारात्मक बदल घडले आहेत.

हे वाचा-‘मला प्लेनच्या मागे जबरदस्तीने नेऊन त्याने…’, अभिनेत्रीच्या आरोपाने एकच खळबळ
ब्रेनच्या नसा आकुंचल्या, रक्तपुरवठ्यात अडचण

रिपोर्ट्सनुसार १८ ऑगस्ट रोजी संध्याकाळी राजू श्रीवास्तव यांची तब्येत एकदम ढासळली होती. त्यांच्या मेंदूचे काम अनियमित झाले. त्यामुळे डॉक्टरांनी त्यांच्या मेंदूमध्ये काही इंजेक्शन दिली. त्या इंजेक्शनमुळे त्यांच्या मेंदूला सुज आली. परंतु आता ही सुज कमी झाली आहे. राजू यांचे मित्र अशोक श्रीवास्तव यांच्या मते राजू यांच्या मेंदूच्या काही नसा आकुंचन पावल्या आहेत. त्यामुळे रक्तपुरवठा व्यवस्थित होत नाहीये. परिणामी त्यांच्या मेंदूचे कार्य नीट होत नाही.

राजू श्रीवास्तव यांना १० ऑगस्ट रोजी दिल्लीतील एम्स रुग्णालयात बेशुद्धावस्थेत दाखल करण्यात आलं होतं. जीममध्ये ट्रेडमीलवर वर्कआऊट करत असताना त्यांच्या छातीत दुखू लागले आणि ते बेशुद्ध होऊन तिथेच कोसळले होते. राजू यांना हृदयविकाराचा झटका आल्याचे डॉक्टरांनी सांगितलं. राजू हे गेल्या नऊ दिवसांपासून बेशुद्धावस्थेत आहेत. हॉस्पिटलमध्ये राजू यांची पत्नी, मुलं आणि कुटुंबातील सदस्य उपस्थित आहेत.