भारतीय क्रिकेटपटूचा धक्कादायक खुलासा; तेव्हा असे वाटत होते की, बाल्कनीतून उडी मारून…

नवी दिल्ली: भारताचा माजी क्रिकेटपटू रॉबिन उथप्पाने क्रिकेटच्या सर्व फॉर्मेटमधून निवृत्ती जाहीर केली. उथप्पाने सोशल मीडियावरून निवृत्त होत असल्याचे सांगितले. भारतीय संघाकडून त्याने २००६ साली पदार्पण केले होते. २००७च्या टी-२० वर्ल्डकप विजेत्या संघात तो होता. भारतीय संघाशिवाय उथप्पाने आयपीएलमध्ये बेंगळुरू, राजस्थान, कोलकाता आणि चेन्नई संघाचे प्रतिनिधित्व केले आहे. टीम इंडियाकडून त्याने ४६ वनडे आणि १३ टी-२० सामने खेळले आहेत.

भारताचा विस्फोटक फलंदाज अशी उथप्पाची ओळख होती. पण २००९ ते २०११ हा काळ त्याच्यासाठी एखाद्या वाईट स्वप्ना सारखा होता. या काळात उथप्पा नैराश्यात गेला होता आणि त्याच्या मनात आत्महत्या करण्याचे विचार येत होते.

वाचा- BCCIमधून गांगुलीचा पत्ता कट होणार; या व्यक्तीला अध्यक्ष करण्याची जोरदार तयारी

राजस्थान रॉयल्स फाउंडेशनच्या एका लाइव्ह कार्यक्रमात बोलताना उथप्पा म्हणाला होता की, मला आठवते की २००९ ते २०११ या काळात मला असे रोज वाटत होते. तेव्हा मी क्रिकेटबद्दल विचार करत नव्हते. आजचा दिवस कसा असेल उद्याचा दिवस कसा असेल. माझ्या आयुष्यात काय सुरू आहे आणि मी कसा पुढे जाणार असे प्रश्न मनात येत होते.

वाचा- रॉजर फेडररने केली निवृत्तीची घोषणा, पाहा कधी खेळणार शेवटचा सामना

त्या काळात मला असे वाटत होते की पळत जाऊन बाल्कनीतून उडी मारू. पण अशा काही गोष्टी होत्या ज्यामुळे मला रोखले. त्या काळात मी डायरी लिहण्यास सुरू केली. एक माणूस म्हणून स्वत:ला समजून घेण्याची प्रक्रिया सुरू केली. या सर्व गोष्टीतून उथप्पा बाहेर पडला आणि आयपीएल सोबत देशांतर्गत क्रिकेटमध्ये दमदार कामगिरी केली. २०१४-१५च्या रणजी हंगामात त्याने सर्वाधिक धावा केल्या होत्या.