MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
‘देशात नॅक मूल्यांकनाच्या पद्धतीत बदल करण्यात येणार असून ‘बायनरी’ श्रेयांकनाची पद्धत आणली जाणार आहे. आज नॅक मूल्यांकनात निकोप स्पर्धा होताना दिसत नाही. त्यामुळे राष्ट्रीय शिक्षण धोरण २०२०मध्ये सांगितल्याप्रमाणे बायनरी श्रेयांकन पद्धत लागू करून नॅक मूल्यांकन मिळाले अथवा मूल्यांकन मिळणे बाकी, अशा दोनच वर्गवारी ठेवल्या जाणार आहेत,’ अशी माहिती नॅकचे अध्यक्ष भूषण पटवर्धन यांनी दिली.
मुंबई विद्यापीठात ‘अ‍ॅक्रेडिटेशन : वे अहेड’ या विषयावर आयोजित एक दिवसीय राज्यस्तरीय परिषदेत पटवर्धन बोलत होते. मुंबई विद्यापीठ, रुसा महाराष्ट्र आणि यूजीसी एचआरडीसीच्या संयुक्त विद्यमाने कालिना संकुलातील ग्रीन टेक्नॉलॉजी सभागृहात या परिषदेचे आयोजन करण्यात आले होते. यावेळी राज्याचे उच्च व तंत्र शिक्षणमंत्री चंद्रकांत पाटील, उच्च व तंत्र शिक्षण विभागाचे प्रधान सचिव विकासचंद्र रस्तोगी, रुसाचे राज्य प्रकल्प संचालक डॉ. निपुण विनायक, मुंबई विद्यापीठाचे कुलगुरू प्रा. दिगंबर शिर्के, उच्च शिक्षण संचालक डॉ. धनराज माने, विद्यापीठाचे प्र-कुलगुरू प्राचार्य डॉ. अजय भामरे, प्रभारी कुलसचिव डॉ. शैलेंद्र देवळाणकर उपस्थित होते.
Engineering Course Books: अभियांत्रिकी अभ्यासक्रमांची पुस्तके भारतीय भाषांमध्ये
‘एखाद्या विद्यापीठातील एक विशिष्ट अभ्यासक्रमासाठी नॅक श्रेयांकनाकरिता महाविद्यालयांना प्रस्ताव पाठविता येणार आहे. स्वतंत्र विषयांसाठीचे श्रेयांकन केले जाणार आहे,’ असेही पटवर्धन यांनी नमूद केले. विद्यार्थी केंद्रीत राष्ट्रीय शिक्षण धोरणातील संकल्पनेसाठी ही योजना पुढे आणत आहोत. लवकरच ‘वन नेशन, वन डेटा’ प्रक्रिया सुरू करण्यात येणार आहे, असे त्यांनी सांगितले.
‘विद्यापीठांनी गुणवत्तेवर भर देऊन कुशल मनुष्यबळ उपलब्ध होईल, असे शिक्षण दिले पाहिजे. वाढत्या उद्योग क्षेत्राचा अभ्यास करून नवनवीन अभ्यासक्रम विकसित केले पाहिजेत. पुढील दहा वर्षांचे शैक्षणिक आव्हान लक्षात घेऊन शिक्षणपद्धतीत सुधारणा करावी आणि दर्जेदार शिक्षणपद्धतीचा अवलंब करावा,’ असे विकासचंद्र रस्तोगी यांनी नमूद केले.
नवीन कॉलेजांना परवानगी नाही, उच्च व तंत्रशिक्षणमंत्र्यांचा निर्णय
