मराठवाडा विद्यापीठाचा निर्धार; प्रवेश, निकाल वेळेत लागण्यासाठी काम सुरू

राज्यात व्यावसायिक अभ्यासक्रमांच्या प्रवेशाची निश्चित ‘कट ऑफ डेट’ असते. कोविडमुळे सामाईक प्रवेश परीक्षा कक्षातर्फे (सीईटी) प्रवेशप्रक्रियेचे वेळापत्रक लांबले. व्यावसायिक अभ्यासक्रमांप्रमाणेच पारंपरिक अभ्यासक्रमांचे सर्व विद्यापीठांमधील शैक्षणिक सत्र समान असावे यावर राज्यातील विद्यापीठांच्या संयुक्त बैठकीत (जेबीव्हीसी) याबाबत सूचना करण्यात आल्याचे सांगण्यात येते. त्यानुसार विद्यापीठ प्रशासनांनी तयारी सुरू केल्याचे कळते.

D Pharmacy Paper Leaked:‘डीफार्मसी’चा पेपर फुटला

असे असेल संभाव्य वेळापत्रक..

विद्यापीठ पदवी अभ्यासक्रमांच्या प्रवेशप्रक्रियेचे वेळापत्रक माध्यमिक व उच्च माध्यमिक शिक्षण मंडळातर्फे घेण्यात येणाऱ्या बारावी परीक्षा, निकालाच्या अनुषंगाने महत्त्वपूर्ण असणार आहे. परीक्षा, निकाल आणि एकूणच पदवी, पदव्युत्तर प्रवेशासाठी निश्चित वेळापत्रक असेल. ज्यामध्ये विद्यापीठाच्या विविध अभ्यासक्रमाच्या सर्व परीक्षा ३१ मेपर्यंत पूर्ण होतील. सर्व परीक्षांचे निकाल ३० जूनपर्यंत जाहीर करणे. बारावीचा निकाल जूनमध्ये जाहीर होतो. त्या दृष्टीकोनातून पदवी, पदव्युत्तर अभ्यासक्रमांच्या प्रवेशासाठी जुलै महिना असणार आहे. एक ऑगस्टपासून तासिका सुरू होतील असे वेळापत्रक निश्चित करण्यावर विद्यापीठ प्रशासनाचा भर आहे.

विद्यापीठांतर्गत महाविद्यालये ४८३

पदवी अभ्यासक्रमांची संख्या १३४

पदवी अभ्यासक्रम प्रवेश क्षमता १ लाख ९० हजार

राज्यपालांच्या अध्यक्षतेखाली नुकतीच राज्यातील सर्व कुलगुरूंची बैठक पार पडली. बैठकीत आगामी शैक्षणिक सत्रापासून राष्ट्रीय शैक्षणिक धोरणाची प्रभावी अंमलबजावणी करणे. परीक्षा व निकालांचे सामायिक वेळापत्रक तयार करणे यांसह विविध विषयांवर बैठकीत चर्चा झाली. आपल्या पातळीवर त्या अनुषंगाने पदवी परीक्षांचे नियोजन विद्यापीठ करत आहे. जेबीव्हीसीत दिलेल्या सुचनेच्या अनुषंगाने नियोजन करण्यात येईल. अभ्यासक्रम प्रवेश, परीक्षा, निकालाची प्रक्रिया निश्चित वेळेत पूर्ण करणे. आणि ही सर्व प्रक्रिया ३१ जुलैपर्यंत पूर्ण करणे यावर भर असणार आहे. पदवी परीक्षांचे शंभर टक्के निकाल तीस दिवसांच्या आत जाहीर करणे यावरही काम सुरू आहे. वेळेत निकाल जाहीर करण्याच्या प्रक्रियेत चांगले यश आले आहे. पुढे त्यात आणखी काही बदल जेणे करून अधिक प्रभावी काम होईल यावर भर आहे.
डॉ. प्रमोद येवले, कुलगुरू, डॉ. बाबासाहेब आंबेडकर मराठवाडा विद्यापीठ, औरंगाबाद

सीए फायनल आणि इंटरच्या निकालासंदर्भात ICAI कडून अपडेट