ऋषभ पंतवर शस्त्रक्रिया करणाऱ्या डॉक्टरांच्या टीमने दिलेल्या माहितीनुसार, त्याला बरे होण्यासाठी 6 ते 8 महिन्यांचा काळ लागू शकतो. यामुळे तो IPL 2023 सोबतच अनेक मोठ्या स्पर्धांना मुकणार आहे. पण काही मीडिया रिपोर्ट्स ऋषभ पंतला बरं होण्यासाठी तब्बल 9 ते 10 महिन्यांचा कालावधी लागेल असे सांगत आहेत. याचा अर्थ असा आहे की 2023 च्या वनडे वर्ल्डकपमध्येही ऋषभ पंत दिसण्याची शक्यता फार कमी आहे.
ऋषभ पंतच्या दोन लिगामेंटला लागला आहे मार
चला जाणून घेऊया की ऋषभ पंतची दुखापत किती गंभीर आहे आणि त्याला शस्त्रक्रियेतून बरे होण्यासाठी किती वेळ लागेल.TOI च्या रिपोर्टनुसार, ऋषभ पंतला त्याच्या दोन लिगामेंटमध्ये गंभीर जखम झाली आहे. या लिगामेंट्सना एंटीरियर क्रूसिएट लिगामेंट (ACL) आणि मेडियल क्रूसिएट लिगामेंट (MCL) असे म्हणतात. त्याच्या दोन्ही जखमा गंभीर होत्या, ज्यावर 3 तासांची शस्त्रक्रिया करावी लागली.
(वाचा :- 30 Days Yoga: फक्त 30 दिवसांत इम्युनिटी, मानसिक शांती वाढून सर्व रोग होतील दूर, पोट होईल साफ, फक्त करा हे 1 काम)
ACL लिगामेंट आणि MCL लिगामेंट म्हणजे नक्की काय?
ACL हा तो लिगामेंट आहे जो जांघेच्या आणि गुडघ्याच्या हाडांना जोडतो. हा लिगामेंट गुडघ्यात असतो आणि नडगीचे हाड पुढे सरकण्यापासून प्रतिबंधित करतो. तर दुसरे लिगामेंट अर्थात MCL लिगामेंट हे गुडघ्यात असते, जे जांघेचे हाड डावीकडे आणि उजवीकडे सरकण्यापासून प्रतिबंधित करते.याच दोन महत्त्वाच्या अवयवांना गंभीर मार लागल्याने ऋषभ पंतबाबत काळजी व्यक्त केली जात आहे. कारण तो एक खेळाडू आहे आणि अशा अवयवांना मार लागणे त्याच्या करियरसाठी धोकादायक आहे.
(वाचा :- Cancer Early Symptoms: सकाळी सकाळी शरीरात दिसतात कॅन्सरची ही 3 भयंकर लक्षणं, हे दुसरं लक्षण आहे जीवावर बेतणारं)
ACL ठीक होण्यासाठी लागेल एवढा वेळ
NHS च्या मते, फाटलेले ACL ठीक होण्याचा कालावधी हा जखम आणि मार किती मोठा आहे यावर अवलंबून आहे.ACL पूर्ववत व्हायला किमान 6 महिन्यांपासून 1 वर्षांपर्यंतचा कालावधी लागू शकतो. जर जखम जास्त मोठी नसेल तर अनेकदा खेळाडू 6 महिन्यांनंतर खेळण्यासाठी परत आले या आधी पाहिले आहे. पण ऋषभचा मार मोठा असल्याने त्याच्या परत येण्याबबत अचूक वेळ सांगता येणे अशक्य आहे.
(वाचा :- करोनाच्या सर्वात खतरनाक वेरिएंटची भारतात एंट्री, विषाणू हवेत पसरले असून WHO ने दिला धोक्याचा इशारा, वाचा लक्षण)
MCL ठीक होण्यासाठी लागेल एवढा वेळ
क्लीव्हलँड क्लिनिकच्या मते, ग्रेड 1 MCL पूर्णपणे बरे होण्यासाठी 1 ते 3 आठवडे लागू शकतात. तर, ग्रेड 2 MCL बरे होण्यासाठी 4 ते 6 आठवडे लागू शकतात. या शिवाय ग्रेड 3 MCL साठी 6 आठवड्यांपेक्षा अनेक महिने लागू शकतात. त्यामुळे ऋषभ पंतच्या याच अवयवाबाबत सर्वात जास्त शंका आहे.
(वाचा :- Dangal सिनेमातील Fatima Sana Shaikh मेंदूच्या भयंकर आजाराने ग्रस्त, दिसतात ही लक्षणं, किती घातक आहे हा आजार..?)
लिगामेंट मजबूत बनवणारे फूड
लिगामेंट मजबूत होण्यासाठी त्याच्यासोबत कार्टिलेज, स्नायू आणि हाडे मजबूत करणे आवश्यक आहे. ज्यासाठी कॅल्शियम, व्हिटॅमिन डी, मॅग्नेशियम आणि पोटॅशियम युक्त पदार्थांचे सेवन करण्याची जास्त गरज आहे. म्हणूनच ऋषभ पंतसाठी खास डायट प्लान टायर केला असून त्यात सर्व पौष्टिक पदार्थांचा समावेश आहे. जेणेकरून तो लवकर रिकव्हर होईल आणि पुन्हा एकदा नव्या जोमाने मैदानात दिसेल.
(वाचा :- या डाळीने बनवलेला इडली व डोसा खाणा-यांनो सावधान, फुफ्फुसापर्यंत पसरतं ‘विष’, आयुर्वेदिक डॉक्टरने सांगितला उपाय)
डिस्क्लेमर: हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.