मुंबईतील गृहिणीने अगदी घरगुती जेवणाच्या मदतीने ५ महिन्यात तब्बल ४० किलो वजन केलं कमी

​टर्निंग पॉईंट

शाईस्ताने वजन कमी करण्याचे विविध वर्कआऊट, डाएट वापरून पाहिले पण तिचे वजन कमी झाले नाही ते जवळपास 108 किलो होते. त्यामुळे नवीन डाएट किंवा इतर कोणतीही गोष्टी सुरू करताना ती सुरुवातीला थोडी घाबरली होती. या सगळ्या प्रवासातील टर्निंग पॉइंट म्हणजे जेव्हा ती रिहानाला डाएट काउंसिलिंगसाठी भेटली. रिहानाने सुरूवातीला शाईस्ताचं काय चुकलं हे सांगितलं आणि त्याबद्दल तिची जागृकता वाढवली. तिला वजन कमी करण्याबद्दल वास्तववादी अपेक्षा ठेवण्यास मदत केली.

​डाएट

शाईस्ताने तिच्या शरीराच्या प्रकारानुसार डाएट कस्टमाइज करून घेतला. संतुलित मॅक्रोन्यूट्रिएंट प्रोफाइलसह साधे घरगुती अन्न समाविष्ट केले. तिची चरबी कमी करण्यासाठी आणि वजन लवकर कमी करण्यासाठी तिने आठवड्यातून 3 वेळा स्ट्रेंथ ट्रेनिंग, आठवड्यातून 3 वेळा कार्डिओ केले.

​फिटनेस सिक्रेट

सातत्य हीच वजन कमी करण्याची गुरुकिल्ली आहे. शाईस्ता यांच्या मते, योग्य डाएट आणि व्यायाम अतिशय महत्वाचा आहे. जे दर आठवड्याला बदलते या सगळ्याने वजन कमी होते असे नाही. आपल्या आधीच्या पिढ्यांनी तंदुरुस्तीसाठी काही फॅन्सी केले नाही. परंतु आपल्यापैकी बर्‍याच जणांनी हे विसरता कामा नये. संतुलित आहार जर आपण सातत्याने ठेवला तर वजनात नक्कीच सकारात्मक बदल पाहता येऊ शकतो.

​वजन कमी करताना कठीण वाटलेली गोष्ट

वजन कमी करताना अनेक अडचणी येतात पण सातत्य हेच यामागचं गुपित आहे. जास्त वजन असण्यामुळे इतर समस्या उद्भवतात. तसेच चयापचयाच्या समस्या देखील जाणवतात. फक्त या प्रवासात तुम्ही सातत्य ठेवणे गरजेचे आहे.

(वाचा – पोलीस उपायुक्तांनी ९ महिन्यात तब्बल ४५ वजन केलं कमी, प्रेरणादायी प्रवास सगळ्यांनाच थक्क करणारा))

​या प्रवासाने काय टाळलं

शाईस्ताने या वजन कमी करण्याच्या बाहेरचे अन्न खाणे सोडले. घरगुती आणि फक्त घरी शिजवलेले पदार्थाचे सेवन करायची. शाईस्ताने काही अनोख्या रेसिपी तयार केल्या, ज्यामुळे त्यांच वजन कमी व्हायला मदत झाली. शाईस्ताने तिची वर्कआउटची पद्धत कार्डिओ डोमिनंटवरून स्ट्रेंथ ट्रेनिंग डोमिनंट रूटीनमध्ये बदलली.

(इंग्रजीत हे आर्टिकल वाचण्यासाठी येथे क्लिक करा)