MPSC देणाऱ्या विद्यार्थ्यांसाठी महत्वाची अपडेट, प्राधान्य क्रमवारीचे बदललेले निकष जाणून घ्या

म. टा. प्रतिनिधी,पुणे

‘महाराष्ट्र लोकसेवा आयोगा’ने (एमपीएससी) पदभरती परीक्षांमध्ये समान गुण मिळविणाऱ्या उमेदवारांच्या प्राधान्य क्रमवारीच्या निकषांमध्ये बदल केले आहेत. त्यात उमेदवारांच्या शिक्षणाला प्राधान्य देण्यात आले असून, समान गुण मिळवणाऱ्या दोन विद्यार्थ्यांपैकी ज्याचे शिक्षण जास्त त्याला प्राधान्य मिळणार आहे.

या बदलाची अंमलबजावणी आगामी काळात प्रसिद्ध होणाऱ्या सर्व जाहिरातींमध्ये करण्यात येईल, असेही ‘एमपीएससी’कडून स्पष्ट करण्यात आले आहे. ‘एमपीएससी’तर्फे विविध भरतींसाठी उमेदवारांची अंतिम शिफारस यादी करताना समान गुण मिळवणाऱ्यांची प्राधान्य क्रमवारी वेगळ्या निकषांद्वारे करण्यात येत होती. जुने निकष रद्द करून नवे जाहीर करण्यात आले आहेत.

या बदलाची अंमलबजावणी आगामी काळात प्रसिद्ध होणाऱ्या सर्व जाहिरातींमध्ये करण्यात येणार आहे. याशिवाय कार्यनियमावलीमध्ये सुधारणा करण्यात येईल. सुधारणा होईपर्यंतच्या कालावधीत कार्यनियमावलीत सुधारणा झाली असे समजून प्रक्रिया सुरू करण्यात येईल, असेही ‘एमपीएससी’कडून कळवण्यात आले आहे.

All India Radio Recruitment: आकाशवाणीच्या मुंबई केंद्रात विविध पदांसाठी भरती, ‘येथे’ पाठवा अर्ज
नवे निकष काय?

– अर्ज करताना उमेदवारांची शैक्षणिक पात्रता हा समान गुण मिळवलेल्यांसाठी पहिला निकष असणार आहे.

– दोन्ही विद्यार्थ्यांचे समान गुण आणि समान शिक्षण असेल, तर अर्ज करण्यापूर्वी कोणाचे शिक्षण पूर्ण होते हे पाहिले जाईल.

– त्यानंतर परीक्षेच्या जाहिरातीत एखादी पात्रता नमूद केली असेल आणि ती विद्यार्थ्यांकडे असेल तर त्याला प्राधान्य मिळेल.

– जाहिरातीत, परिपत्रकात स्पष्ट उल्लेख असेल, तर मागासवर्गीय समाजातील अनुसूचित जाती, अनुसूचित जमाती, विशेष मागास वर्ग, भटके विमुक्त आदींतील उमेदवार, वय, आडनावातील आद्याक्षर या क्रमाने क्रमवारी केली जाईल.

– पोलिस उपनिरीक्षक (पीएसआय) पदासाठी क्रमवारी करताना पदवी आणि अनुभव, बारावी आणि अनुभव व दहावी आणि अनुभव या क्रमाने क्रमवारी केली जाईल.

BMC Recruitment: मुंबई पालिकेत विविध पदांवर भरती, ‘येथे’ पाठवा अर्ज
Asha Swayamsevika Job: आशा स्वयंसेविका पदांची भरती, आठवी उत्तीर्ण महिलांना सरकारी नोकरीची संधी