Hindi Diwas: दरवर्षी १४ सप्टेंबरला हिंदी दिवस का साजरा होतो? कारण, इतिहास जाणून घ्या

Hindi Diwas: देशात हिंदी भाषेला अधिक चालना मिळावी म्हणून संपूर्ण देशात १४ सप्टेंबर रोजी हिंदी दिवस साजरा केला जातो. भारत हा एक वैविध्यपूर्ण देश आहे जिथे सर्व लोक वेगवेगळ्या भाषा, वेगवेगळ्या चालीरीतींचे पालन करतात. दरम्यान देशातील ७७ टक्के लोक हिंदी बोलतात, समजतात आणि लिहितात. हिंदी ही जगातील तिसरी सर्वाधिक बोलली जाणारी भाषा देखील आहे. दरवर्षी या दिवसानिमित्त शैक्षणिक संस्थांमध्ये विविध कार्यक्रमांचे आयोजन केले जाते. पण हिंदी दिवस २०२२ फक्त १४ सप्टेंबरलाच का साजरा केला जातो? याची माहिती जाणून घेण्याचा प्रयत्न कधी केलाय का? चला, या लेखाच्या माध्यमातून देशात फक्त १४ सप्टेंबरलाच हिंदी दिवस का साजरा केला जातो याची माहिती घेऊया.

हिंदी दिवस १४ सप्टेंबरलाच साजरा
देशात हिंदी भाषेच्या उन्नतीसाठी १४ सप्टेंबर १९४९ रोजी जेव्हा हिंदीला राजभाषेचा दर्जा देण्यात आला तेव्हा स्वातंत्र्यानंतर हिंदी दिवसांचा इतिहास पाहता येईल. त्यामुळेच दरवर्षी १४ सप्टेंबरला हिंदी दिवस साजरा केला जातो. ही तारीख सर्वप्रथम देशाचे माजी पंतप्रधान पंडित जवाहरलाल नेहरू यांनी निवडली होती. राष्ट्रभाषा प्रचार समितीच्या शिफारशीनंतर १९५३ पासून दरवर्षी १४ सप्टेंबर रोजी हिंदी दिवस साजरा केला जात होता.

MPSC देणाऱ्या विद्यार्थ्यांसाठी महत्वाची अपडेट, प्राधान्य क्रमवारीचे बदललेले निकष जाणून घ्या
एका भाषेला राजभाषा म्हणून घोषित करणे फार कठीण
ब्रिटिशांच्या २०० वर्षांच्या राजवटीनंतर भारताला स्वातंत्र्य मिळाले तेव्हा पहिला प्रश्न राजभाषेचा निर्माण झाला. देशात जिथे वेगवेगळ्या भाषा बोलल्या जातात तिथे कुठलीही एक भाषा अधिकृत भाषा म्हणून निवडणे खूप अवघड होते. अशा स्थितीत बराच विचारमंथन करून राजभाषा म्हणून हिंदीची निवड करण्यात आली. राज्यघटनेच्या कलम ३४३ (१) मध्ये देशाची अधिकृत भाषा हिंदी आणि तिची लिपी देवनागरी असेल असे नमूद केले आहे.
शालेय शिक्षणमंत्री दीपक केसरकर कितवी शिकलेयत? माहिती करुन घ्या
या दिवशी भाषा सन्मान पुरस्कार
हिंदी दिवसाचा कार्यक्रम जवळपास आठवडाभर चालतो. त्याला हिंदी पखवाडा म्हणतात. या विशेष दिवशी महाविद्यालये, शाळा अशा विविध शैक्षणिक संस्थांमध्ये विविध स्पर्धांचे आयोजन केले जाते. या स्पर्धांमध्ये काव्य परिसंवाद, भाषण स्पर्धा, वादविवाद आदी कार्यक्रमांचा समावेश आहे. भाषा सन्मान पुरस्कार १४ सप्टेंबरलाच दिला जातो.

NABARD मध्ये बंपर भरती, पदवीधर असाल तर ‘येथे’ पाठवा अर्ज