मी कुठेही असले तरी तुझी आठवण मनात असतेच, कोणाला म्हणतेय प्राजक्ता माळी?

मुंबई : अभिनेत्री प्राजक्ता माळी नेहमीच चर्चेत असते. कधी रानबाजार वेब सीरिजमधल्या भूमिकेमुळे, तर कधी वाय सिनेमामुळे. तशी महाराष्ट्राची हास्यजत्रा कार्यक्रमातून ती घराघरांत पोहोचलीय. तिच्या सोशल मीडियावरच्या पोस्ट नेहमीच व्हायरल होत असतात. तीही चाहत्यांची संवाद साधत असते.

आयुष्मान खुराना आणि रकुलप्रीत यांच्या ‘डाॅक्टर जी’चा ट्रेलर पाहून प्रेक्षक म्हणाले, हा तर सुपरहिट!

काही दिवसांपूर्वी प्राजक्ता लंडनला गेली. तिथे सिनेमाचं शूटिंग सुरू आहे. आता तिनं एक पोस्ट शेअर केली आहे. त्यात तिनं लिहिलं आहे, ‘मैं जहाँ रहूँ, मैं कहीं भी हूँ, तेरी याद साथ है’ यावर अनेकांच्या भुवया उंचावल्या. पण लगेचंच तिनं त्याखाली लिहिलं आहे, ‘(गैरसमज नसावा , प्रिय भारताला उद्देशून म्हणतेय.)’ या पोस्टवर अनेक हार्ट इमोजी आल्यात. कोणी म्हटलंय, तू भारीच आहेस. कोण म्हणतंय, तू गोड दिसतेस. एकूणच चाहते या पोस्टवर खूश आहेत.

प्राजक्ता लंडनला सिनेमाच्या शूटिंगला गेली आहे. तिच्या सोबत संकर्षण, वैभव तत्त्ववादी, आलोक राजवाडे, हृषिकेश जोशी हे कलाकार आहेत. तिनं लिहिलं आहे, ‘जवळपास अर्धी मराठी इंडस्ट्री लंडनला येऊन फिल्म शूट करून गेली. मलाही हा अनुभव घ्यायचाच होता. सरतेशेवटी मी इथे आहे.’ आता कुठल्या सिनेमाचं शूटिंग सुरू आहे, त्याबद्दल अजून कळलं नाहीय. पण ते लवकरच कळेल. या पोस्टमध्ये तिनं महाराष्ट्राची हास्यजत्रा पाहायला विसरू नका, असंही म्हटलं आहे.

देशातून गायब कसे झाले चित्ते? जाणून घ्या या सीरिजमधून!

आणखी एका पोस्टमध्ये तिनं लिहिलं होतं, हा तिचा १३ वा देश. ती लिहिते, ‘फिरायला मिळालेला इंग्लंड हा १३ वा देश. (खात्री आहे, फक्त मध्यमवर्गीयच असे बोटांवर देश मोजत असणार. एक आईबरोबरची दुबई ट्रिप सोडल्यास सगळ्या ट्रिप्स कामानिमित्त किंवा स्पाॅन्सर्ड होत्या, देवाचे किती म्हणून आभार मानू.)’