IND vs AUS : पहिल्या ट्वेन्टी-२० सामन्यासाठी भारताचा संघ जाहीर, पाहा कोणाला मिळाली संधी…

मोहाली : पहिल्या ट्वेन्टी-२० सामन्याचा टॉस ऑस्ट्रेलियाने जिंकला. ऑस्ट्रेलियाने टॉस जिंकत यावेळी प्रथम गोलंदाजी करण्याचा निर्णय घेतला. टॉस झाल्यावर भारताचा कर्णधार रोहित शर्माने आपाल संघ जाहीर केला.

पहिल्या ट्वेन्टी-२० सामन्यासाठी भारतीय संघात मोठे बदल करण्यात आली आहे. या सामन्यासाठी भारतीय संघात हर्षल पटेलचा समावेश करण्यात आला आहे. त्याचबरोबर भारतीय संघात अक्षर पटेल आणि युजवेंद्र चहल हे दोन्ही फिरकीपटू असतील. त्याचबरोबर रिषभ पंतला या संघात स्थान देण्यात आलेले नाही.

ट्वेन्टी-२० मालिका संध्याकाळी ७.३० वाजता सुरु होणार असल्याची माहिती यावेळी समोर आली होती. पण आता या मालिकेतील सामन्यांच्या वेळा बदलण्यात आल्या आहेत. त्यामुळे हे सामने आता संध्याकाळी ७.३० वाजता सुरु होणार नाही. हे सामने आता लवकर सुरु होतील. बीसीसीआयने आता आपल्या ट्विटर हँडलवर एक पोस्ट केली आहे, या पोस्टमध्ये हे सामने नेमके कधी सुरु होतील याबाबतची माहिती देण्यात आली आहे. भारत आणि ऑस्ट्रेलिया यांच्यातील प्रत्येक सामन्याचा टॉस हा आता संध्याकाळी ६.३० वाजता होणार आहे. टॉसनंतर दोन्ही संघ आपले संघ जाहीर करतील. टॉस झाल्यावर अर्ध्या तासाने सामना सुरु करण्यात येणार आहे. त्यामुळे या मालिकेतील सामने हे संध्याकाळी ७.०० वाजता सुरु करण्यात येणार आहेत.

भारतीय फिरकीपटूंना तोंड देण्यासाठी ऑस्ट्रेलिया संघाने सोमवारी पीसीए स्टेडियमवर विशेष रणनीतीचा सराव केला. ऑस्ट्रेलियाच्या संघाने सामन्याच्या तयारीसाठी संघाच्या चार फलंदाज आणि फिरकीपटूंनी सराव सत्रात सराव केला. संघाचा कर्णधार आरोन फिंचने मोहालीच्या स्थानिक फिरकीपटूंवर चांगली फटकेबाजी केली. यासह, संघाचा अष्टपैलू खेळाडू ग्लेन मॅक्सवेलने नेटमध्ये ४५ मिनिटे फलंदाजीचा सराव केला, त्यादरम्यान त्याने मोहालीच्या स्थानिक वेगवान गोलंदाज आणि फिरकीपटूंवर फटकेबाजीचा सराव केला. यामध्ये त्याने जास्तीत जास्त फिरकी गोलंदाजीवर सराव करण्यावर जास्त भर दिला. कारण भारताच्या खेळपट्ट्या या फिरकी गोलंदाजीला पोषक असतात. त्याचबरोबर भारताने यावेळी आपल्या संघात चार फिरकी गोलंदाजांना स्थान दिले आहे. त्यामुळे या मालिकेत भारताची मदार ही फिरकी गोलंदाजीवर असणार आहे.

भारताचा संभाव्य संघ : रोहित शर्मा (कर्णधार), केएल राहुल, विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर अश्विन, युझवेंद्र चहल, अक्षर पटेल, भुवनेश्वर कुमार, उमेश यादव , हर्षल पटेल, दीपक चहर, जसप्रीत बुमराह.

ऑस्ट्रेलियाचा संभाव्य संघ : ॲरॉन फिंच (कर्णधार), स्टीव्हन स्मिथ, टीम डेव्हिड, ग्लेन मॅक्सवेल, ॲश्टन अगर, कॅमेरॉन ग्रीन, डॅनियल सॅम्स, शॉन ॲबॉट, जोश इंग्लिस, मॅथ्यू वेड, पॅट कमिन्स, जोश हेझलवूड, केन रिचर्डसन, ॲडम झाम्पा, नॅथन एलिस.