देव जे जे दाखवेल ते बघायला तयार आहे, असं का म्हणतेय प्राजक्ता माळी?

मुंबई : परदेशात फिरायला मिळावं, ही प्रत्येकाचीच इच्छा असते. सर्वसामान्यांप्रमाणे अगदी कलाकारांचीही असते. बाॅलिवूड कलाकार जितके परदेशात जाऊन शूटिंग करतात, तितकी संधी पूर्वी मराठी कलाकारांना मिळत नव्हती. अगदी एखाद्या मराठी सिनेमाचं शूटिंग परदेशात झालं, तर ते भारी वाटायचं. आता मात्र बदल झालाय.

हल्ली अनेक मराठी सिनेमांची शूटिंग भारताबाहेर व्हायला लागली आहेत. त्यामुळे कामानिमित्त मराठी कलाकारांची परदेशवारी व्हायला लागली आहे. बरेच मराठी कलाकार हे मध्यमवर्गातून पुढे आलेत. त्यामुळे आजही त्यांना परदेशात फिरण्याचं अप्रूप वाटतंच.

Video : अभीच्या एका निर्णयानं देशमुख कुटुंबाला धक्का, संजनानं व्यक्त केली वेगळीच शंका

अभिनेत्री प्राजक्ता माळी सध्या लंडनला आहे. तिथे ती शूटिंग करतेय. नुकतीच तिनं पोस्ट शेअर करत म्हटलंय की हा तिचा १३ वा देश. ती लिहिते, ‘फिरायला मिळालेला इंग्लंड हा १३ वा देश. (खात्री आहे, फक्त मध्यमवर्गीयच असे बोटांवर देश मोजत असणार. एक आईबरोबरची दुबई ट्रिप सोडल्यास सगळ्या ट्रिप्स कामानिमित्त किंवा स्पाॅन्सर्ड होत्या, देवाचे किती म्हणून आभार मानू.)’

पुढे ती लिहिते, ‘स्वतःच्या अथवा इतरांच्या पैशाने, कसही चालेल; पण सगळे देश फिरायची इच्छा आहे. जगच काय, चंद्र- मंगळ, अंतराळसुद्धा बघण्याची इच्छा आहे. अर्थात, देव जे जे दाखवेल ते आणि तेवढंच बघायला (भोगायला- त्यागायला) तयार आहे. चला आता फार फिलॅासॅाफी झाडत बसत नाही, लंडनवारीचे फोटो शेअर करत राहीन. तुम्हीही व्हर्चुअली वारी करून घ्या.’

बिग बॉसमध्ये अडल्ट सीरिजमधली अभिनेत्री? सलमानच्या शोमध्ये बोल्डनेसचा तडका

प्राजक्ता लंडनला सिनेमाच्या शूटिंगला गेली आहे. तिच्या सोबत संकर्षण, वैभव तत्त्ववादी, हृषिकेश जोशी हे कलाकार आहेत. तिनं लिहिलं आहे, ‘जवळपास अर्धी मराठी इंडस्ट्री लंडनला येऊन फिल्म शूट करून गेली. मलाही हा अनुभव घ्यायचाच होता. सरतेशेवटी मी इथे आहे.’ आता कुठल्या सिनेमाचं शूटिंग सुरू आहे, त्याबद्दल अजून कळलं नाहीय. पण ते लवकरच कळेल. या पोस्टमध्ये तिनं महाराष्ट्राची हास्यजत्रा पाहायला विसरू नका, असंही म्हटलं आहे.
94097704