मला RSS मध्ये घ्या म्हणतोय केआरके! मोहन भागवत आणि देवेंद्र फडणवीसांंकडे केली मागणी

मुंबई: अभिनयापेक्षाही वादग्रस्त ट्वीट, इतक कलाकारांवर टीका करणे, कॉन्ट्रोव्हर्सीमध्ये अडकणे यासारख्या विविध गोष्टींमुळे चर्चेत असणारा अभिनेता केआरके पुन्हा एकदा त्याच्या ट्वीटमुळे चर्चेत आहे. यावेळी त्याने चक्क सरसंघचालक मोहन भागवत (Sarsanghchalak Mohan Bhagwat) आणि महाराष्ट्राचे उपमुख्यमंत्री देवेंद्र फडणवीस (Maharashtra Deputy CM Devendra Fadnavis) यांना टॅग केले आहे. या दोघांकडेही त्याने अजब विनंती केली आहे.

कमाल आर खान या अभिनेत्याने भागवत आणि फडणवीस यांना विनंती करत त्याला राष्ट्रीय स्वयंसेवक संघात सामील करून घेण्याची (KRK wants to join RSS) विनंती केली आहे. त्याने असं ट्वीट केलं आहे की, ‘आदरणीर मोहन भागवतजी मी राष्ट्रीय स्वयंसेवक संघात सामील होण्यासाठी तयार आहे, जर RSS ला माझी गरज असेल.’ या ट्वीटमध्ये त्याने देवेंद्र फडणवीस यांनाही टॅग केले आहे.

केआरकेच्या या ट्वीटवर सोशल मीडियावर वादंग उठला आहे. अनेक ट्विटर युजर्सनी त्याला सुनावलं आहे. काही युजर्स त्याला आरएसएसचे महत्त्व पटवून देत आहेत. काहीजण त्याच्याच जुन्या ट्वीटचे स्क्रिनशॉट काढून याआधी तो आरएसएसबद्दल काय बोलला होता, याची आठवण करून देत आहेत.

हे वाचा-आता ऐकायला नाही मिळणार ‘बादशाह’ची गाणी? रॅपरच्या पोस्टमुळे चाहते चिंतेत

त्याने जुन्या एका ट्वीटमध्ये त्याने असं म्हटलं होतं की, ‘एकेदिवशी विश्व हिंदू परिषद, राष्ट्रीय स्वयंसेवक संघ, बजरंग दल यांसारख्या सांप्रदायिक संस्था देशाचा संपूर्ण विनाश करतील आणि त्यानंंतर संपूर्ण जग आपल्या देशावर बहिष्कार टाकेल’. त्याच्या या जुन्या ट्वीटमध्ये आणि त्याने १९ सप्टेंबर रोजी केलेल्या ट्वीटमध्ये किती विरोधाभास आहे, याची जाणीव त्याला युजर्स करून देत आहेत. दरम्यान विविध ट्विटर युजर्सनी यावर मीम्स बनवायलाही सुरुवात केली आहे.

हे वाचा-लोकप्रिय अभिनेत्रीचे निधन; दोन वेळा आलेल्या पॅरालिसिसच्या झटक्याने घेतला जीव

केआरकेला अलीकडेच वादग्रस्त ट्वीट प्रकरणी अटक करण्यात आलेली. त्याने जेलमधून बाहेर येताच पुन्हा एकदा ट्विटर पोस्ट करण्यास सुरुवात केली आहे. त्याने हल्लीच ब्रह्मास्त्रविषयी ट्वीट केलं होतं, तर ‘विक्रम वेधा’ या सिनेमाचं समीक्षणही तो करणार असल्याचं त्यानं म्हटलं होतं.