याचा अर्थ विविध विद्यापीठांचे पात्रता निकष वगळता बारावीमध्ये मिळालेल्या गुणांचा विद्यार्थ्यांच्या प्रवेशावर परिणाम होणार नाही. पत्रकार परिषदेदरम्यान जगदीश कुमार म्हणाले, ‘शैक्षणिक वर्ष २०२२-२३ पासून, राष्ट्रीय परीक्षा एजन्सी पदवी आणि पदव्युत्तर अभ्यासक्रमांसाठी CUET आयोजित करेल. सर्व केंद्रीय विद्यापीठांना त्यांच्या अभ्यासक्रमांच्या प्रवेशासाठी CUET मध्ये मिळालेले गुण ग्राह्य धरावे लागतील.’
देशातील ४५ केंद्रीय विद्यापीठांना UGC कडून आर्थिक मदत मिळते. कुमार म्हणाले की CUET चा अभ्यासक्रम NCERT च्या बारावीच्या अभ्यासक्रमासारखा असेल.
CUET मध्ये सेक्शन-1A, सेक्शन-1B, सामान्य अध्ययन आणि अभ्यासक्रमातील विशिष्ट विषय असतील. सेक्शन-1A अनिवार्य असेल, ते १३ भाषांमध्ये असेल आणि उमेदवार त्यांच्या आवडीची भाषा निवडू शकतील.
जगदीश कुमार म्हणाले की, विद्यार्थ्यांना इंग्रजी, हिंदी, आसामी, बंगाली, गुजराती, कन्नड, मल्याळम, मराठी, ओडिया, पंजाबी, तमिळ, तेलगू आणि उर्दूचा पर्याय असेल. विद्यापीठांच्या आरक्षण धोरणावर CUET चा कोणताही परिणाम होणार नाही. ते म्हणाले की CUET नंतर कोणतीही केंद्रीय समुपदेशन फेरी होणार नाही.