जेजे विद्यापीठासाठी समिती स्थापन

कला कॉलेजांसाठी स्वतंत्र विद्यापीठ असावे या उद्देशाने राज्य सरकाचा अभ्यास सुरू आहे. याबाबत तज्ज्ञांचे मत जाणून घेण्यासाठी डॉ. खाले यांच्या अध्यक्षतेखाली एक समिती नेमण्यात आली आहे. यामध्ये विद्यापीठाचे प्र-कुलगुरू डॉ. रवींद्र कुलकर्णी, माजी प्र-कुलगरू डॉ. नरेशचंद्र, वास्तुकला तज्ज्ञ शशी प्रभू, चित्रकार सुहास बहुलकर, विधि व न्याय विभागाचे उप सचिव शे. व. चिंधडे, विजय राजेशिर्के यांची सदस्य म्हणून नियुक्ती करण्यात आली आहे. तर कला संचालनालयाचे संचालक राजीव मिश्रा सदस्य सचिव असणार आहेत. ही समिती विद्यापीठाची वैधानिक संरचना, पायाभूत सुविधांची निर्मिती, विद्यापीठात चालविता येणारे अभ्यासक्रम, विविध प्राधिकरणे, संविधानिक व इतर पदांची संरचना व निर्मिती, शिक्षक व शिक्षकेतर पदांची संरचना व निर्मिती, प्रशासकी पदांची निर्मिती, आर्थिक उत्पन्नाचे स्रोत व वित्त पुरवठा, शासनावर येणारा अतिरिक्त भार या सर्व मुद्यांवर चर्चा करून आपला अहवाल तयार करेल, असे शासन निर्णयात म्हटले आहे. तसेच हा अहवाल ३० दिवसांच्या आत शासनाकडे सादर करावा, असेही यात स्पष्ट करण्यात आले आहे.

राज्यातील सर्व शाळांमध्ये मिळणार आंतरराष्ट्रीय दर्जाचे शिक्षण

पदवीनंतर थेट ‘पीएचडी’ची मुभा; UGC चा नवा प्रस्ताव