बुसानमध्ये कपिल शर्मा करणार धमाका, ‘ज्विगाटो’चा ट्रेलर पाहिलात का?

मुंबई : काॅमेडियन कपिल शर्माचा नवा सिनेमा रिलीजसाठी सज्ज आहे. सिनेमाचं नाव आहे ज्विगाटो. यात कपिलचं लूकच पूर्ण वेगळं आहे. सिनेमाचा ट्रेलर लोकांना आवडला आहे. हा सिनेमा पहिल्यांदा टोरँटो आंतरराष्ट्रीय चित्रपट महोत्सवात दाखवला गेला. आता ज्विगाटो सिनेमाचा प्रीमियर बुसान इंटरनॅशनल फिल्म फेस्टिवलमध्ये पाहायला मिळणार आहे. सोशल मीडियावर सिनेमाचं आणि कपिलच्या भूमिकेच कौतुक सुरू आहे.

ज्विगाटो सिनेमाचं दिग्दर्शन नंदिता दासनं केलं आहे. कपिल शर्माशिवाय यात शहाना गोस्वामीही आहे. सिनेमाच्या ट्रेलरची सुरुवात कपिलपासूनच होते. तो एका अपार्टमेंटमध्ये पोहोचतो. तिथे पिझा डिलिव्हर करतो. दरम्यान, तो मेमोही वाचतो. त्यात लिहिलं असतं डिलिव्हरी बाॅयनी लिफ्ट वापरू नये. तो जिने चढून वर जातो. तिथे एक जण दारूच्या नशेत पडलेला दिसतोय.

‘सुंदरा मनामध्ये भरली’मधली चिमुरडी लतिका देणार परीला टक्कर, सोशल मीडिया

कपिल म्हणतोय, तो आज १० डिलिव्हरी करेल. पण अनेकदा त्या रद्द होत असतात. कपिल आपल्या कुटुंबाला वेळ देऊ शकत नाहीय. पत्नी, मुलगा समजून घेतायत.

काय आहे ज्विगाटोची कथा?
सिनेमाची कथा एका फ्लोअर मॅनेजरची आहे. करोना महामारीत त्याची नोकरी जाते. त्यानंतर तो फूड डिलिव्हरीचं काम करायला लागतो. तो फक्त रेटिंग आणि इनसेंटिव्हजच्या मागे फिरत असतो. घर खर्च चालवायला त्याची पत्नीही मदत करतोय. मध्यमवर्गाचं आयुष्य आणि डिलिव्हरी बाॅयचं दु:ख सिनेमात दाखवलंय.

Zwigato चं सुरू आहे कौतुक
कपिल शर्माचा हा नवा अवतार चाहत्यांना आवडला आहे. ट्विटरवर त्याचं कौतुक सुरू आहे. नंदिता दासनं सिनेमाची संकल्पना चांगली उभी केली आहे. करोना काळात अनेक जणांना या अडचणींना तोंड द्यावं लागलं होतं.

महेश मांजरेकरांनी ‘स्वातंत्र्यवीर सावरकर’ सिनेमातून काढता पाय घेतला?