IRCTC Recruitment 2022: दहावी उत्तीर्णांना कॉम्प्युटर ऑपरेटर पदाची नोकरी, ‘येथे’ पाठवा अर्ज

IRCTC Recruitment 2022 : दहावी उत्तीर्ण असून अद्याप नोकरी मिळत नसेल तर ही बातमी तुमच्यासाठी महत्वाची आहे. इंडियन रेल्वे कॅटरिंग अँड टूरिझम कॉर्पोरेशन लिमिटेड (Indian Railway Catering &Tourism Corporation) अंतर्गत दहावी उत्तीर्णांना नोकरीची संधी उपलब्ध झाली आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.

इंडियन रेल्वे कॅटरिंग अॅण्ड टुरिझम कॉर्पोरेशन अंतर्गत कॉम्प्युटर ऑपरेटर अॅण्ड प्रोग्रामिंग असिस्टंटची एकूण १६ रिक्त पदे भरली जाणार आहेत. यासाठी उमेदवार दहावी उत्तीर्ण असणे आवश्यक आहे. तसेच त्याला कॉम्प्युटरची किमान माहिती असणे गरजेचे आहे.

IT-ITeS सेक्टरमध्ये ही भरती केली जाणार असून उमेदवारांना आठवड्यातील ६ दिवस काम करावे लागेल. १२ महिने इतका प्रशिक्षणाचा कालावधी असेल.

कॉम्प्युटर ऑपरेटर अॅण्ड प्रोग्रामिंग असिस्टंट पदावरील उमेदवारांना शिक्षणासोबत स्टाटपेंड देखील दिला जाईल. उमेदवारांना दरमहा ७ हजार ते ९ हजार रुपयांपर्यंत वेतन दिले जाईल.

आता तुम्हालाही लावता येईल पावसाचा अंदाज, हवामान खात्यात नोकरीसाठी ‘येथे’ पाठवा अर्ज
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.

या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.

अर्जाची शेवटची तारीख लवकरच जाहीर केली जाणार आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

पदभरतीचा तपशील पाहण्यासाठी येथे क्लिक करा

Collector Office Job: जिल्हाधिकारी कार्यालयात परीक्षा न देता नोकरी, ४५ हजारपर्यंत मिळेल पगार
FCI Recruitment: भारतीय खाद्य महामंडळात बंपर भरती, येथे पाठवा अर्ज