होय मला एका महिलेनेच प्रपोज केलेलं, प्रियांका चोप्राचा लेस्बियन एन्काउंटर किस्सा झाला Viral

मुंबई- कॉफी विथ करण शो प्रेक्षकांना याच कारणासाठी आवडतो कारण त्यांच्या आवडत्या सेलिब्रिटी कलाकारांच्या आयुष्यातील सिक्रेटस करण बाहेर काढतो. असे किस्से ऐकायला प्रेक्षकांना आवडत असतं. कॉफी विथ करण या शोचा एक जुना एपिसोड सध्या जोरदार व्हायरल होत आहे. या शोमध्ये प्रियांका चोप्रा आणि दीपिका पादुकोण आल्या होत्या आणि त्यांनी या शोमधील सोफ्यावर बसून अनेक रहस्ये उघड केली होती. यामध्ये प्रियांकाने सांगितलेला एक भन्नाट किस्सा ऐकून चाहत्यांच्याही भुवया उंचावल्या. २०१४ चा हा एपिसोड प्रेक्षका पुन्हा पुन्हा का पाहत आहेत हे जाणून घेण्यासाठी हा किस्स नक्की वाचा.

श्रेयस तळपदेचा आलियाला सल्ला, ‘प्रेक्षक प्रेयसीप्रमाणे असतात’

होय, तिला एका क्लबमध्ये महिलेने प्रपोज केल्याचं प्रियांकाने सांगितलं. पण कहर तर पुढेच होता, प्रियांकाला प्रपोज करणारी ती लेस्बियन मला माहिती आहे असं करणने म्हणताच प्रेक्षक आणि प्रियांकाच्या चाहत्यांसमोर काजवेच चमकले. सध्या कॉफी विथ करण शोचा सातवा सीझन गाजत आहे. जुलैमध्ये सुरू झालेल्या या नव्या सीझनमध्ये आलिया भट्टपासून अनन्या पांडेपर्यंत अनेक अभिनेत्रींनी हजेरी लावली. या सीझनमध्ये प्रियांकाच्या येण्याचे काहीच संकेत दिसत नसले तरी तिच्या एका जुन्या व्हिडिओने धुरळा उडवला आहे.

प्रियांका आणि दीपिका यांचा सहभाग असलेल्या या शोमध्ये करण दोघींशी गप्पा मारताना दिसत आहे. यावेळी करणने प्रियांका आणि दीपिकाला विचारले की तिला कधी लेस्बियन एन्काउंटरचा अनुभव आला का? यावर प्रियांकाने तिला हा अनुभव आल्याचं सांगितलं. ती म्हणाली, एन्काउंटर असं म्हणता येणार नाही पण एका क्लबमध्ये मला महिलेनेच प्रप्रोज केलं होतं. तिच्या तावडीतून सुटण्यासाठी मला बॉयफ्रेंड असल्याचं सांगून तिथून निसटले. सर्वात महत्वाचं म्हणजे त्या मुलीला करण जोहर ओळखत होता. प्रियांनाच्या या किस्स्यावर करणने डोक्याला हात लावला.

सारा अली खान आणि शुभम गिलच्या नात्याला मित्रांनीही दिला दुजोरा

सध्या प्रियांका तिची मुलगी मालतीसोबत वेळ घालवत आहे. लवकरच तिची सिटाडेल ही वेबसीरीज रिलीज होणार आहे. इट ऑल कमिंग बॅक टू मी हा तिचा सिनेमाही प्रदर्शित होणार आहे. द व्हाइट टायगर या सिनेमात दिसली होती. प्रियांकाला पडद्यावर पाहण्यासाठी तिचे चाहते आतूर आहेत.