होय, हा आजच्या काळातील रावण आहे, आदिपुरुष दिग्दर्शक ओम राऊतने दिला सैफला पाठिंबा

मुंबई-आदिपुरुष सिनेमावरून रोज नवा वाद जन्माला येत आहे. टीझर प्रदर्शित झाल्यापासून आदिपुरुष सिनेमात दाखवण्यात आलेल्या रामायणातील व्यक्तीरेखांचा पडदयावरचा लूक नेटकऱ्यांच्या ट्रोलिंगचा विषय बनला आहे. या सिनेमात रावणाच्या भूमिकेत असलेल्या सैफचा लूक बघून प्रेक्षकांसह अनेक संघटना, राजकीय नेते यांनी आक्षेप घेतला आहे. इतकंच नव्हे तर दिग्दर्शक ओम राऊत याला ब्राह्मण महासभेने कायदेशीर नोटीसही पाठवली आहे.

आदिपुरुषवर भडकले ‘राम’, म्हणाले- धार्मिक भावनांची चेष्टा करू नका

लोकप्रिय झालेल्या रामायण, महाभारत या मालिकेतील कलाकारांनीही आदिपुरुष सिनेमातील कलाकारांच्या लूकवर नाराजीच्या कमेंट केल्या आहेत. विशेषत: रावणाच्या लूकमध्ये सैफ अली खान तालिबानी दिसत असल्याची प्रतिक्रिया सोशलमीडियावर येताच चर्चा वाढली. आता यामध्ये दिग्दर्शक ओम राऊत हा सैफच्या बाजूने उभा राहिला आहे. आजच्या काळातील रावण असाच दिसतो म्हणत ओम आता मैदानात उतरला आहे.

ओम राऊतला ब्लॉकबास्टर सिनेमांसाठी ओळखलं जातं. यापूर्वी ओमने दिग्दर्शित केलेल्या तान्हाजी या सिनेमाने बॉक्स ऑफीसवर दणदणीत यश मिळवलं होतं. तेव्हापासूनच ओमचा नवा सिनेमा कोणता याकडे चाहत्यांचं लक्ष लागलं होतं. आता ओमने आदिपुरुष सिनेमा आणला. यामध्ये प्रभास रामाच्या तर क्रिती सेनन सीतेच्या भूमिकेत दिसणार आहे. मराठी अभिनेता देवदत्त नागे याने या सिनेमात हनुमानाची भूमिका केली आहे.

BBM 4: नेटकऱ्यांना पटला नाही अपूर्वा नेमळेकरचा अ‍ॅटिट्यूड

आदिपुरुष सिनेमाभोवती वादाचं ग्रहण लागलं ते सैफ अली खानच्या रावण लूकमुळे. यावरून सैफ हा रावण कमी आणि तालिबानी, खिलजी किंवा मुगल वाटत असल्याच्या प्रतिक्रिया आल्या. पण आता ओमने हे मुद्दे खोडून काढले आहेत. तर संवाद लेखक मनोज मुंतशीर यांनीही सैफने साकारलेला रावण खिलजी सारखा मुळीच नाही असाही दावा केला आहे.

ओमने सैफला पाठिंबा देत म्हटलं की, आदिपुरुषमधला रावण हा आजच्या काळातील रावण आहे तो असाच दिसणार. या सिनेमातील रावण क्रूर आहे. हा सिनेमा आमच्यासाठी एक मिशन आहे. आम्ही भक्तीने हा सिनेमा बनवला आहे, त्यासाठी प्रेक्षकांचे आशीर्वाद हवे आहेत. सध्या तरी मी सगळ्यांचं म्हणणं ऐकून घेतो, पण जेव्हा १२ जानेवारी २०२३ ला सिनेमा प्रदर्शित होईल तेव्हा कुणीच निराश होणार नाही याची मला खात्री आहे.

इथे एकट्यानं यावं, शांत व्हावं आणि निघून जावं; हेमांगी कवी नक्की आलीय कुठे?

या सिनेमाचे संवाद लेखक यांनीही यापूर्वी असं म्हटलं होतं की हा सिनेमा त्यांच्यासाठी इतका महत्वाचा होता की ऑफीसमध्ये जाताना ते चप्पल बाहेर काढून जायचे. आता प्रेक्षकांनी जेमतेम सव्वा मिनिटांचा टीझर पाहिलाय, ज्यामध्ये रावण त्रिपुंडमध्ये दिसत आहे. खिलजी कधी तिलक किंवा त्रिपुंड लावतो का? रूद्राक्ष माळतो का? त्यामुळे आमच्या रावणवर आक्षेत घेताना याचा विचार करा.