Video : सर्वांसमोर ‘आदिपुरुष’चा दिग्दर्शक ओम राऊतवर भडकला प्रभास? नेमकं झालं तरी काय?

मुंबई : दाक्षिणात्य सुपरस्टार प्रभास आदिपुरुष सिनेमामुळे खूपच चर्चेत आला आहे. या सिनेमाचा टीझर गेल्या रविवारी प्रदर्शित झाला. रामायणावर आधारीत असलेल्या या सिनेमाची प्रेक्षकांना उत्कंठा होती. परंतु जेव्हा सिनेमाचा टीझर समोर आला तेव्हा मात्र त्यांची घोर निराशा झाली.

अनेक नेटकऱ्यांनी सोशल मीडियावर त्यांची नाराजी व्यक्त करत सिनेमाच्या टीझवर टीका केली आहे. काहीजणांना सिनेमाील व्हीएफएक्स आवडले नाहीत. तर काहींना सैफ अली खान यानं साकारलेला रावण आवडला नाही. तर काहींनी हनुमानाच्या अंगावर घातलेल्या चामड्याच्या कपड्यांवरून टीका केली आहे. या सगळ्यामध्ये प्रभास याचा एक व्हिडिओ सोशल मीडियावर व्हायरल झाला आहे. त्यामध्ये प्रभास आदिपुरुष सिनेमाचा दिग्दर्शक ओम राऊत याच्यावर वैतागलेला दिसत आहे.

सैफने पुन्हा केली तीच चूक; ‘तान्हाजी’त घडलेला प्रकार ‘आदिपुरुष’मध्ये सुधारण्यात अभिनेत्याला अपयश

प्रभासची एकूणच देहबोली पाहता त्याला इतकं रागावलेलं कधीच पाहीलं नसल्याची प्रतिक्रिया अनेकांनी व्यक्त केली आहे. काहींच्या मते आदिपुरुषचा टीझर रिलीज झाल्यानंतर ज्या पद्धतीनं प्रतिक्रिया समोर आल्या आहेत, त्यामुळे बाहुबली फेम अभिनेता प्रभास नाराज झाला आहे. आदिपुरुष सिनेमाचं दिग्दर्शक ओम राऊत (Om Raut) यानं केलं आहे. या सिनेमात प्रभास, सैफ अली खान क्रिती सैनॉन, सनी सिंह प्रमुख भूमिकेत दिसणार आहे. सिनेमाचा टीझर रामची जन्मभूमी असलेल्या अयोध्येमध्ये प्रदर्शित झाला, परंतु तो पाहिल्यानंतर अनेकांची घोर निराशा झाली.

सोशल मीडियावर सिनेमात जे व्हीएफएक्स वापरले आहेत, त्यावर कडाडून टीका होत आहे. सिनेमाचं अॅनिमेशनची क्वालिटी पाहून हे कार्टून वाटत असल्याचं मत अनेकांनी व्यक्त केलं आहे. या सगळ्यात प्रभास याचा एक व्हिडिओ सोशल मीडियावर व्हायरल झाला आहे. त्यामध्ये तो ओम राऊतला त्याच्या रूमममध्ये बोलावताना दिसत आहे. परंतु त्याची एकूणच देहबोली रागावलेली दिसत आहे. त्यामुळे ओम आणि प्रभासमध्ये आलबेल नसल्याची शक्यता वर्तवली जात आहे.

सोशल मीडियावर व्हायरल झालेल्या या व्हिडिओमध्ये प्रभासची देहबोली रागावलेली वाटत आहे. प्रभास ओमला म्हणतो की,’ओम तू माझ्या रूममध्ये येत आहे. माझ्याबरोबर ये…’ आता अशी अफवा समोर येत आहे की, हा व्हिडिओ सिनेमाचा टीझर समोर आल्यानंतरचा आहे. टीझरमुळे प्रभास खूपच नाराज झाला आहे. दरम्यान, काही बातम्यांनुसार असं सांगितलं जात आहे की प्रभासनं ओमला त्याच्या रूममध्ये आदिपुरुषच्या प्रमोशनवर चर्चा करण्यासाठी बोलवलं असल्याचं सांगितलं जात आहे.

Video: ‘मी मुलाचं नाव राम कधी ठेऊ शकत नाही’, आदिपुरुषच्या वादात व्हायरल होतंय सैफचं जुनं वक्तव्य

१२ जानेवारीला होणार सिनेमा प्रदर्शित

आदिपुरुष सिनेमाबद्दल सांगायचं तर या सिनेमाचं बजेट ५०० कोटी रुपये आहे. असंही सांगितलं जात आहे की, प्रभासनं या सिनेमासाठी १०० कोटी रुपये मानधन घेतलं आहे. रामायणावर आधारीत थ्रीडी सिनेमा आहे. हा सिनेमा १२ जानेवारी २०२३ रोजी प्रदर्शित होणार आहे. सिनेमात प्रभासनं राम, सैफ अली खाननं रावण आणि क्रिती सेनॉन हिनं सीतेची भूमिका साकरली होती. तर सनी सिंह लक्ष्मणाची भूमिका साकारली आहे.

आदिपुरुषच्या टीझरमुळे नाराज आहे का प्रभास?

आदिपुरुषचा टीझर सोशल मीडियावर प्रदर्शित झाल्यानंतर अनेकांनी सोशल मीडियावर नकारात्मक प्रतिक्रिया व्यक्त केल्या आहेत. काही नेटकरी गेम ऑफ थ्रोनचं हे कमी दर्जाचं व्हर्जन असल्याचं म्हटलं आहे. तर काहींच्या मते रामानंद सागर यांची रामायण ही मालिका याहून कैकपटीनं उत्तम होती, असं मत व्यक्त केलं आहे.