‘सुर्याचा फॉर्म ही मोठी चिंता आहे…’, सामान्यानंतर असं का म्हणाला रोहित? पाहा VIDEO

इंदूर: भारत आणि दक्षिण आफ्रिका यांच्यातील तिसऱ्या टी-२० सामन्यात भारतीय संघाला पराभव पत्करावा लागला. आक्षिण आफ्रिकेच्या संघाने भारताला ४९ धावांनी पराभूत केले. भारताच्या गोलंदाजांची कमकुवत बाजू पुन्हा एकदा दिसून आली आणि संघाला विश्वचषकपूर्वी यावर काम करणे आवश्यक आहे. भारताच्या संघात देखील या सामन्यासाठी बरेच बदल करण्यात आले होते. उपकर्णधार केएल राहुल आणि विराट कोहली, हार्दिक पंड्या हे खेळाडू संघाबाहेर होते. तर अर्शदीप देखील पाठीच्या दुखापतीमुळे तिसरा सामना खेळला नाही.

संघातील बदल देखील कालच्या सामन्यासाठी भारी पडले. पण भारताने मालिकेतील पूर्वीचे दोन सामने भारताने जिंकल्याने मालिकेत २-१ अशा फरकाने विजय मिळवत ट्रॉफी जिंकली. सामना संपल्यानंतर कर्णधार रोहित शर्माने मालिकेच्या निकालावर भाष्य केले, तसेच अनेक मजेशीर विधाने केली.

T20 विश्वचषकापूर्वी शेवटच्या सामन्यात भारताचा लाजिरवाणा पराभव, रोहित शर्मा म्हणाला…

प्रेझेंटेशन सेरेमनीमध्ये जेव्हा रोहित शर्माला टी-२०विश्व चषकपूर्वी टीम इंडियाच्या चिंतेबद्दल विचारण्यात आले तेव्हा त्याने असे उत्तर दिले की, तो स्वतःच हसला. सूर्यकुमार यादवचा फॉर्म आमच्यासाठी चिंतेचा विषय असल्याचे रोहित शर्माने सांगितले, हे सांगताच रोहित शर्मा स्वतःच हसू लागला.

सामना सुरु असतानाच दीपक चहर भडकला आणि भारताच्या खेळाडूला दिली शिवी,

रोहित शर्माचा हा व्हिडिओ सोशल मीडियावर चांगलाच व्हायरल होत आहे, लोक रोहित शर्माच्या विनोदबुद्धीचे कौतुक करत आहेत. तिसर्‍या टी-२० सामन्यात सूर्यकुमार यादव अधिक धावा करू शकला नाही आणि केवळ ८ धावांवर बाद झाला. तेव्हा रोहित शर्माने त्याची अशी खिल्ली उडवली.

विश्वचषकापूर्वी दक्षिण आफ्रिकेने भारतीय संघाच्या ‘मर्यादा’ दाखवून दिल्या, पाहा तिसऱ्या

सूर्यकुमार यादव सध्या त्याच्या कारकिर्दीतील सर्वोत्तम फॉर्ममध्ये आहे. या वर्षी ट्वेंटी-२० क्रिकेटमध्ये सर्वाधिक धावा करण्याचा विक्रम त्याच्या नावावर आहे. ऑस्ट्रेलिया आणि दक्षिण आफ्रिकेविरुद्धच्या मालिकेत त्याच्या बॅटने सातत्याने अप्रतिम खेळी केल्या आहेत. दक्षिण आफ्रिकेविरुद्धच्या टी-२० मालिकेतही सूर्यकुमार यादवने ३ सामन्यात ११९ धावा केल्या आणि तो ‘प्लेअर ऑफ द सीरीज’ ठरला. येत्या विश्वचषकासाठी सूर्यकुमार यादव फलंदाज म्हणून महत्त्वाची भूमिका बजावणार आहे, त्यामुळे त्याचे कायम फॉर्मात असणे भारतसतही शुभसंकेत आहेत.