सामना सुरु असतानाच रोहित शर्माने जोडले हात; रडायला आला, पाहा असं घडलं तरी काय…

इंदूर : भारताने तिसरा सामना गमावला. पण हा सामना सुरु असताना अशी एक गोष्ट घडली की, रोहित शर्माला चक्क हात जोडावे लागले. रोहित शर्माचा चेहरा यावेळी रडवेला झाला होता.

रोहित शर्माने या सामन्यात टॉस जिंकत प्रथण गोलंदाजी स्विकारली. पण हा निर्णय रोहितच्या चांगलाच अंगलट आला. कारण गोलंदाजांनी यावेळी रोहितला चांगली साथ दिली नाही. त्यामुळे सुरुवातीला क्विंटन डीकॉकने भारताच्या गोलंदाजीवर जोरदार प्रहार केले. डीकॉकने यावेळी अर्धशतक झळकावले. डीकॉकने अर्धशतक साकारले असले तरी त्यानंतर तो जास्त काळ खेळू शकला नाही. डीकॉक बाद झाल्यावर रिली रोसूने भारताच्या गोलंदाजांचा समाचार घ्यायला सुरुवात केली. रोसूने तर यावेळी शतक झळकावले. या सर्वात कहर म्हणजे डेव्हिड मिलरने फक्त ५ चेंडूंत तीन षटकार खेचले आणि नाबाद १९ धावा केल्या.

ही गोष्ट घडली ती अखेरच्या षटकात. अखेरच्या षटकाच्या तिसऱ्या चेंडूवर मिलर फलंदाजीला आला. हा चेंडू निर्धाव पडला. पण त्यानंतर चौथ्या चेंडूवर मिलरने षटकार लगावला. त्याचबरोबर हा चेंडू नो बॉल असल्याचे पंचांनी जाहीर केले. त्यामुळे त्या पुढचा चेंडू हा फ्री-हिट होता. या चेंडूवरही मिलरने षटकार वसूल केला. दोन चेंडूंत दोन षटकार झाले होते. त्यानंतरच्या चेंडूवर पुन्हा एकदा मिलरने मोठा फटका मारला. हा पुन्हा एकदा षटकार जाणार, असे वाटत होते. पण त्यावेळी हा चेंडू सीमारेषेवर उभ्या असलेल्या मोहम्मद सिराजच्या हातात विसावला. दीपक चहर यावेळी चांगलाच खूश झाला. पण त्याचा हा आनंद काही क्षणातच भंग पावला. कारण सिराजने यावेळी झेल तर पकडला, पण त्यानंतर त्याचे पाय हे बाऊंड्री लाइनला लागले. त्यावेळी चहर त्याच्यावर चांगलाच भडकलेला पाहायला मिळाला. चहरने यावेळी सिराजला अपशब्द वापरले आणि त्याचा व्हिडिओही व्हायरल झाला.

हा सर्व प्रकार रोहित शर्मा पाहत होता. सिराजने कॅच पकडल्यावर तोदेखील आनंदी झाला होता. पण जेव्हा सिराजचा पाय बाऊंड्री लाइनला लागला, तेव्हा रोहितचा चेहरा रडवेला झाला. यापूर्वीही सिराजच्या हातून झेल सुटला होता. हा झेल शतकवीर रिली रोसूचा होता. रोसूला सिराजने २६ धावांवर जीवदान दिले आणि त्यानंतर त्याने शतक झळकावले. त्यानंतर सिराजने मिलरचा झेल सोडला. त्यामुळे सिराज तु नेमकं करतोय तरी काय, असे भाव रोहितच्या चेहऱ्यावर यावेळी दिसत होते.