T20 विश्वचषकापूर्वी शेवटच्या सामन्यात भारताचा लाजिरवाणा पराभव, रोहित शर्मा म्हणाला…

इंदूर: भारताच्या विश्वचषकापूर्वी होणार्‍या दोन टी-२० मालिका भारताने २-१ अशा फरकाने जिंकल्या आहेत. भारताने मालिकेतील प्रत्येकी २ सामने जिंकत आघाडी मिळवत मालिका आपल्या नावावर केली. भारतीय संघ आता टी-२० विश्वचषकासाठी सज्ज झाला आहे. पण तत्पूर्वी दक्षिण आफ्रिकेविरुद्धच्या तिसर्‍या टी-२० सामन्यात भारताला लाजिरवाणा पराभव स्वीकारावा लागला. भारताची फिल्डिंग आणि गोलंदाजी बाजू पुन्हा कमकुवत असल्याचे दिसून आले. या तिसर्‍या टी-२० सामन्यानंतर भारताचा कर्णधार रोहित शर्माने काय म्हणाला ते जाणून घेऊया.

भारताचा कर्णधार रोहित शर्माने कबूल केले की, त्याच्या गोलंदाजीमध्ये सुधारणेसाठी अजूनही सुधारनेची खूप गरज आहे आणि मंगळवारी दक्षिण आफ्रिकेविरुद्धच्या तिसऱ्या आणि अंतिम टी-२० आंतरराष्ट्रीय सामन्यात ४९ धावांनी पराभूत झाल्यानंतर त्याला विविध पर्यायांचा शोध घ्यावा लागेल. रिले रोसूने ४८ चेंडूत ८ षटकार आणि ७ चौकारांसह नाबाद १०० धावांची खेळी करत त्याने डी कॉक (६८) सोबत दुसऱ्या विकेटसाठी ९० आणि ट्रिस्टन स्टब्स (२३) सोबत तिसऱ्या विकेटसाठी ८७ धावांची भागीदारी केल्याने दक्षिण आफ्रिकेने २२७ धावा करत तीन विकेट्स गमावल्या.

विश्वचषकापूर्वी दक्षिण आफ्रिकेने भारतीय संघाच्या ‘मर्यादा’ दाखवून दिल्या, पाहा तिसऱ्या टी-२०चा थरार

प्रत्युत्तरात भारतीय संघाने नियमित अंतराने विकेट गमावल्या आणि संघ लक्ष्याचा पाठलाग करण्यात अयशस्वी ठरला आणि अखेरीस १८.३ षटकात १७८ धावांवर आपला खेळ आटोपला. भारताकडून दिनेश कार्तिकने ४६ धावा केल्या. त्याच्याशिवाय दीपक चहर (३१), ऋषभ पंत (२७) आणि उमेश यादव (नाबाद २०) यांनाच २० धावांचा टप्पा गाठता आला.

दक्षिण आफ्रिकेकडून ड्वेन प्रिटोरियसने २६ धावांत तीन विकेट घेतले. केशव महाराज (३४ धावांत २ विकेट), वेन पार्नेल (४१ धावांत 2 विकेट) आणि लुंगी एनगिडी (५१ धावांत २ विकेट) यांनी चांगला खेळ करत प्रत्येकी दोन विकेट घेतले. सामन्यानंतर भारतीय कर्णधार म्हणाला, “एक संघ म्हणून आम्ही सुरुवातीपासूनच म्हणत होतो की निकाल काहीही असो, सुधारणेला नेहमीच जागा असते. जरी आम्ही तिन्ही विभागांमध्ये चांगली कामगिरी केली तरी, आम्हाला कायम उत्तम खेळी करत राहायचे आहे.

भारताने सामना गमावला, पण दीपक चाहरने दाखवलं स्पोर्ट्समन स्पिरीट, पाहा नेमकं काय केलं…

रोहित म्हणाला, “ही चिंतेची बाब आहे, पॉवरप्ले, मधली षटके आणि डेथ ओव्हर्समध्ये आणखी कोणते पर्याय मिळू शकतात हे पाहण्यासाठी आम्हाला आमच्या गोलंदाजीकडे लक्ष द्यावे लागेल. आम्ही दोन जागतिक दर्जाच्या संघांविरुद्ध खेळत होतो. आमहाला बसून विचार करावा लागेल की आपण काय चांगले करू शकतो. हे आव्हानात्मक असेल आणि या दिशेने काम करत उत्तरे शोधावी लागतील”

“खेळाडूंना काय साध्य करायचे आहे याबद्दल अधिक स्पष्टतेची आवश्यकता आहे आणि ते घडेल याची खात्री करून घेणे हे माझे काम आहे,आम्हाला असेच पुढे कायम सुरू ठेवयाचे आहे.” असे ही रोहित म्हणाला.

मालिकेतील पहिले दोन सामने गमावलेला दक्षिण आफ्रिकेचा कर्णधार तेम्बा बवूमा याने कबूल केले की अशा विजयामुळे संघाचा आत्मविश्वास वाढेल.

सामना सुरु असतानाच दीपक चहर भडकला आणि भारताच्या खेळाडूला दिली शिवी, व्हिडीओमध्ये पाहा नेमकं घडलं तरी काय…

“आमच्या आत्मविश्वासासाठी अशा प्रकारे जिंकणे खूप महत्वाचे आहे. या सामन्यात अनेक सकारात्मक गोष्टी होत्या. मागे वळून पाहिले तर पहिल्या सामन्यात आमची फलंदाजी फार काही करू शकली नाही. आम्ही परिस्थितीशी जुळवून घेऊ शकलो नाही. बवूमा म्हणाला, ‘दुसऱ्या सामन्यात आमच्याकडे अशी रणनिती होती जी आम्ही पूर्ण पार पाडू शकलो नाहीत. आज आम्ही रणनिती आणि आम्हाला काय करायचे आहे, याबद्दल अगदी स्पष्ट होतो.”