Alia Bhatt Baby Shower: आलिया भट्टच्या डोहाळ जेवणाला पोहोचले बॉलिवूड स्टार, Photo Viral

मुंबई : अभिनेत्री आलिया भट्ट हिच्या आयुष्यामध्ये अनेक चांगल्या गोष्टी घडत आहेत. यावर्षी आलियानं करिअरमध्येही यश मिळवलं आहे तसंच व्यक्तिगत आयुष्यातही ती लकी ठरली आहे. एप्रिलमध्ये आलियानं रणबीर कूपर याच्याबरोबर लग्न करत नवीन आयुष्याला प्रारंभ केला. त्यानंतर दोन महिन्यांनी आलियानं ती आई होणार असल्याची आनंदाची बातमी दिली. त्यानंतर आलियाचं डोहाळ जेवण कधी होणार याकडे सर्वांचं लक्ष लागलं होतं. दसऱ्याच्या मुहूर्तावर आलियाचं डोहाळ जेवण झालं. त्याचे फोटो सोशल मीडियावर व्हायरल झाले आहेत.

बॉलिवूडमधील काही मोजक्या अभिनेत्री आहेत ज्या त्यांच्या साधेपणानं सर्वांची मनं जिंकून घेतली आहेत, त्यामध्ये आलियाचा समावेश होतो. लग्नाच्यावेळी सुद्धा आलियाचा लुक अतिशय साधा होता. तसंच डोहाळजेवणाच्यावेळी सुद्धा आलियाचा अतिशय साध्या लुकमध्ये दिसली. आलियानं तिच्या डोहाळजेवणावेळी पिवळ्या रंगाचा अनारकली सूट घातला आहे. त्यात ती खूपच सुंदर दिसत आहे. तिचं सौंदर्या प्रेग्नंसीचा ग्लोमुळे अधिक खुलून दिसत आहे.

आलियाची बेस्ट फ्रेंड आकांक्षा रंजननं बेबी शॉवरचे फोटो सोशल मीडियावर पोस्ट केले आहेत. त्या फोटोमध्ये आलियाबरोबर तिची बहीण शाहीन भट्ट दिसत आहे. बहिणी, मैत्रिणी आणि जवळच्या नातेवाईकांच्या उपस्थितीत तिचं डोहाळ जेवण करण्यात आलं. आलियाच्या डोहाळ जेवणाचे जे फोटो सोशल मीडियावर व्हायरल झाले आहेत त्यात आलियाच्या चेहऱ्यावर प्रेग्नंसीचा ग्लो उठून दिसत आहे.

आलियाचा डोहाळ जेवणाचा कार्यक्रम त्यांच्या मुंबईतील वास्तू या घरी झाला. या कार्यक्रमाला भट्ट आणि कपूर कुटुंबातील सदस्यांबरोबर करण जोहरदेखील सहभागी झाला. आलिया-रणबीरच्या घरी आलेल्या पाहुण्यांमध्ये रणबीरची आई नीतू कपूर, बहीण रिद्धिमा कपूर- सहानी, आजी नीलादेवी, आलियाचे वडील महेश भट्ट, बहीण शाहीन भट्ट यांचा समावेश आहे. हे सर्वजण ट्रॅडिशनल ड्रेसमध्ये आलियाच्या घरी आलेत. त्याचे फोटो, व्हिडिओ सोशल मीडियावर व्हायरल झाले आहेत.

कार्यक्रमात ज्यांना निमंत्रित करण्यात आले होते त्यामध्ये करीना कपूर खान, करिष्मा कपूर, नव्या नंदा, श्वेता बच्चन, आरती शेट्टी यांच्यासह आलियाच्या लहानपणीच्या मैत्रिणींचा समावेश आहे.