रिकाम्या पोटी धन्याच्या पाण्याचे नक्की काय फायदे होतात आणि थायरॉईडची समस्या कशी कमी होते यासाठी आम्ही डाएटिशियन ऐश्वर्या श्रीवास्तव यांच्या इन्स्टाग्राम पोस्टवरून माहिती गोळा केली. ही माहिती तुम्हालाही उपयोगी ठरू शकते. त्याआधी जाणून घेऊन थायरॉईड नक्की का होतो? (फोटो सौजन्य – @dt.aishwarya Instagram)
डाएटिशियन ऐश्वर्या श्रीवास्तवने दिल्या टिप्स
असंतुलित थायरॉईडचे प्रकार
डाएटिशियन ऐश्वर्या श्रीवास्तव यांनी संपूर्ण माहिती देताना सांगितले आहे की, दोन प्रकारचे असंतुलित थायरॉईड असतात. हायपोथारॉईडिजम आणि हायपरथायरॉईडिजम. याची कारणे जाणून घ्या –
- विटामिन बी१२ ची शरीरात कमतरता
- आयोडिन अधिक पोटामध्ये जाणे
- ग्लँडमध्ये कॅन्सरची वाढ होणे
- ग्रंथींमध्ये दाह, सूज अथवा जळजळ असणे
या लक्षणांवरून थायरॉईड असल्याचे कळते. या गोष्टी टाळण्यासाठी तुम्ही धणे पाण्याचा नियमित वापर करू शकता. धणे पाणी पिण्याचे अनेक फायदे आहेत जाणून घेऊया.
प्रतिकारशक्ती वाढण्यास मदत
धन्याच्या पाण्याचे सेवन हे शरीरातील प्रतिकारशक्ती वाढविण्यास मदत करते. यामध्ये आढळणारे अँटीऑक्सिडंट शरीरातील फ्री रॅडिकल्स कमी करतात आणि आजारांशी लढण्यास मदत करतात.
(वाचा – हनुवटीखाली लटकतेय चरबी? डबल चिन वर साचलेली चरबी काढण्यासाठी डीसीए, जाणून घ्या नेमके काय आहे)
पचनशक्तीत सुधारणा
धन्याचे पाणी पचनसंबंधित समस्या दूर करण्याचे काम करते. रोज धन्याचे पाणी योग्य प्रमाणात प्यायल्यास, शरीरातील पचन अग्नी नियंत्रित करण्याचे काम करते. ज्यामुळे पोटातील अॅसिडिटीचा स्तर वाढत नाही. पोटातील जळजळ, गॅस, पोटदुखीसारख्या समस्यांमधून सुटका मिळते.
(वाचा -PCOS समस्येतून बाहेर यायचे असेल तर हे पदार्थ खावे, आयुर्वेदातील नियम ठरतील फायदेशीर)
वजन कमी करण्यास उपयोगी
तुम्हाला वजन कमी करायचे असेल तर धन्याचे पाणी आपल्या डाएटमध्ये समाविष्ट करून घ्या. धन्याच्या पाण्यातील तत्व हे मेटाबॉलिजम प्रक्रिया अधिक वाढवून शरीरात जमा झालेली चरबी जाळण्यास सुरूवात करते आणि झपाट्याने वजन कमी होऊ लागते.
(वाचा – सावधान! इअरफोनचा वापर देतोय बहिरेपणाला आमंत्रण, कानातील पेशी होतील मृत)
थायरॉईडच्या समस्येवर फायदेशीर
थायरॉईडची समस्या आजकाल अधिक सुरू झाली आहे. धन्याचे पाणी रोज सकाळी उपाशी पोटी प्यायल्यास, थायरॉईड कमी होण्यास मदत मिळते. धन्याच्या पाण्यात मिळणारे खनिज आणि विटामिन्स हे थायरॉईड हार्मोन जाळण्यास मदत करते.
केसांच्या मजबूतीसाठी
धणे ही नेहमीच्या वापरातील गोष्ट आहे. धण्यांमध्ये विटामिन के, सी आणि ए अधिक प्रमाणात आढळते. धन्याच्या पाण्याच्या सेवनामुळे केसांची वाढ अधिक चांगली होऊन केसगळती, केस तुटणे समस्या सुटण्यास मदत मिळते.
या पाच प्रमुख फायद्यांव्यतिरिक्त शरीरातील साखरेची पातळी कमी करणे, विषारी पदार्थ बाहेर काढणे, सांधेदुखीपासून सुटका या आजारांवरही हे गुणकारी ठरते.
थायरॉईडसाठी धन्याचे पाणी कसे बनवाल
- कोमट अथवा गरम पाण्यात तुम्ही दोन लहान चमचे धणे भिजवा. रात्रभर ठेवा
- संपूर्ण रात्रभर धणे भिजल्यावर सकाळी हे पाणी उठल्यानंतर उपाशी पोटी प्या
या धण्याच्या पाण्याचा नक्कीच तुमचे शरीर निरोगी ठेवण्यासाठी फायदा होतो.
टीप – हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.